Табак пахучы

Табак пахучы, Тытунь пахучы^[1] (Nicotiana alata) — від дэкаратыўных травяністых раслін з роду Тытунь (Nicotiana) сямейства Паслёнавыя (Solanaceae). Шырока выкарыстоўваецца ў садаводстве як дэкаратыўная расліна разам з Nicotiana ×sanderae.

Табак пахучы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Паслёнавыя Падсямейства:  Nicotianoideae Трыба:  Nicotianeae Род:  Тытунь Від:  Табак пахучы
Міжнародная навуковая назва
Nicotiana alata
Сістэматыка на Віківідах Выявы на Вікісховішчы ITIS   503954 NCBI   4087 EOL   486699 IPNI   816845-1 TPL   kew-2382861

Разнавіднасці[2]

• Nicotiana alata f. rubella Moldenke, 1947
• Nicotiana alata Comes, 1899
• Nicotiana alata (Lindl.) Comes, 1899

Распаўсюджанне і экалогія

У прыродзе распаўсюджаны ў Паўднёвай (Аргенціна, Балівія, Бразілія, Уругвай, Эквадор) і Цэнтральнай Амерыцы (Гандурас і Мексіка). Адзінкавыя ўзоры знаходзяць у ЗША, у штаце Місуры.

У гарах Балівіі адзначаны на вышынях да 3300 м над узроўнем мора^[3].

Культывуецца як дэкаратыўная расліна паўсюль у свеце.

Апісанне

Тытунь пахучы. Батанічная ілюстрацыя Сайдэнэма Эдвардса з кнігі Botanical Register: Consisting of Coloured Figures of Exotic Plants, Cultivated in British Gardens, 1815-1847

Тытунь пахучы — шматгадовая травяністая расліна, дасягае ў вышыню 60-70 см.

Усе часткі расліны пакрытыя валасінкамі. Лісце ланцэтападобнае, невялікага памеру. Кветкі белыя, крэмавыя або кармінавыя; трубчастыя, дыяметрам 5 см, даўжынёй 7,5 см, сабраны ў суквецце — мяцёлку.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 87. — 160 с. — 2 350 экз.
2. Nicotiana alata Link & Otto(недаступная спасылка)
3. Tropicos | Name — Nicotiana alata Link & Otto