Удзелаўскі сельсавет

У́дзелаўскі сельсавет — адміністрацыйна-тэрытарыяльная адзінка ў складзе Глыбоцкага раёна Віцебскай вобласці Беларусі. Адміністрацыйны цэнтр — аграгарадок (да 2009 года вёска) Удзела.

Удзелаўскі сельсавет
Краіна	Беларусь
Уваходзіць у	Глыбоцкі раён
Уключае	35 населеных пунктаў
Адміністрацыйны цэнтр	Удзела
Дата ўтварэння	16 ліпеня 1954
Насельніцтва (2019)	2 431
Часавы пояс	UTC+03:00
Код аўтам. нумароў	2
Афіцыйны сайт

Утвораны 16 ліпеня 1954 года ў складзе Глыбоцкага раёна Маладзечанскай вобласці БССР шляхам аб’яднання скасаваных Літоўшчынскага і Верхненскага сельсаветаў^[1]. З 20 студзеня 1960 года ў складзе Віцебскай вобласці. 20 мая 1960 года да сельсавета далучана тэрыторыя скасаванага Мосарскага сельсавета, у склад Мамайскага сельсавета перададзена вёска Марцыбыліна^[2]. На 1 студзеня 1974 года ў складзе Удзелаўскага сельсавета 39 населеных пунктаў^[3]. 6 снежня 2007 года скасавана вёска Міхальцы^[4].

Насельніцтва сельсавета паводле перапісу 2009 года — 2883 чалавек^[5], з іх 88,2 % — беларусы, 7,9 % — палякі, 3,0 % — рускія^[6]; паводле перапісу 2019 года — 2431 чалавек^[7].

Зноскі

1. Указ Президиума Верховного Совета Белорусской ССР от 16 июля 1954 г. Об объединении сельских советов Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Віцебскага абласнога Савета дэпутатаў працоўных ад 20 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 44. — 248 с. — 10 000 экз.
4. Решение Глубокского районного Совета депутатов от 6 декабря 2007 г. № 42 Об упразднении и переименовании сельских населенных пунктов Архівавана 21 красавіка 2021.
5. Колькасць насельніцтва населеных пунктаў Віцебскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Віцебскай вобласці Беларусі паводле перапісу 2019 года