Уладзімір Іванавіч Кузьменка

Уладзімір Іванавіч Кузьменка (нар. 23 жніўня 1952(1952-08-23), Хватаўка, Магілёўская вобласць) — беларускі гісторык. Доктар гістарычных навук (2008)^[1]. Дацэнт (2001). Даследуе гісторыю Беларусі перыяду Другой сусветнай вайны.

Уладзімір Іванавіч Кузьменка
Дата нараджэння	23 жніўня 1952(1952-08-23) (72 гады)
Месца нараджэння	Хватаўка, Машчаніцкі сельсавет, Бялыніцкі раён, Магілёўская вобласць, Беларуская ССР, СССР
Грамадзянства	Беларусь
Род дзейнасці	гісторык
Месца працы	Інстытут гісторыі НАНБ
Навуковая ступень	доктар гістарычных навук
Альма-матар	гістарычны факультэт БДУ

У Вікіпедыі ёсць артыкулы пра іншых людзей з прозвішчам Кузьменка.

Біяграфія

Нарадзіўся ў сям’і служачых. Скончыў гістарычны факультэт БДУ (1975). Найбольшы ўплыў на фарміраванне яго гістарычнага светапогляду аказалі Л. С. Абецэдарскі і А. Ф. Юдзянкоў. У 1988 абараніў кандыдацкую дысертацыю «Участие советской интеллигенции в партизанском движении в Белоруссии (1941—1944 гг.)» (нав. кіраўнік к.г.н. Э. Ф. Языковіч). З 1975 па 1979 працаваў настаўнікам у Эсьмонской СШ Бялыніцкага раена, з 1979 па 1986 малодшы навуковы супрацоўнік, з 1986 па 1989 навуковы супрацоўнік Інстытута гісторыі НАН Беларусі, пазней старшы навуковы супрацоўнік аддзела ваеннай гісторыі і міждзяржаўных адносін ІГ НАН Беларусі. Ад 2007 загадчык Цэнтра гісторыі постіндустрыяльнага грамадства Інстытута гісторыі НАН Беларусі. У 2008 у дысертацыйным савеце пры ІГ НАН Беларусі абараніў доктарскую дысертацыю на тэму «Интеллигенция Беларуси в Великой Отечественной войне (1941—1945 гг.)».

Бібліяграфія

• Партизанские оружейники. Под ред. Э. Ф. Языкович; АН БССР. Ин-т истории — Мн, 1990. 47 с.;
• Советская интеллигенция в партизанском движении в Белоруссии, 1941—1944 гг. — Мн, 1991—116 с.;
• Интеллигенция Беларуси в период немецко-фашистской оккупации (1941—1944 гг.). — Мн. : БГПУ, 2001. — 199 с.
• Политика немецко-фашистских властей в отношении научной интеллигенции Беларуси (1941―1944 гг.) / В. И. Кузьменко, Н. В. Токарев; [научный редактор В. В. Данилович] ; Институт истории НАН Беларуси. — Мн. : Беларуская навука, 2007. — 132 с.