Уладзімір Аляксандравіч Кацько

Уладзімір Аляксандравіч Кацько (нар. 13 студзеня 1940) — беларускі ўрач-хірург. Доктар медыцынскіх навук (1984), прафесар (1986). Прафесар кафедры дзіцячай хірургіі Беларускага дзяржаўнага медыцынскага ўніверсітэта^[3].

Уладзімір Аляксандравіч Кацько
Дата нараджэння	13 студзеня 1940(1940-01-13) (85 гадоў)
Месца нараджэння	Мяжніца, Калодзежскі сельсавет, Чэрвеньскі раён, Мінская вобласць, Беларуская ССР, СССР
Грамадзянства	СССР  Беларусь
Род дзейнасці	урач, хірург, медыцынскі адміністратар, выкладчык універсітэта, загадчык кафедры
Месца працы	Гомельская абласная клінічная бальніца[d] Ельская ЦРБ[d] БДМУ Рэспубліканскі навукова-практычны цэнтр дзіцячай хірургіі[d]
Навуковая ступень	доктар медыцынскіх навук[1][2] (1984)
Навуковае званне	прафесар (1986)[2]
Альма-матар	Мінскі медыцынскі інстытут (1962)
Узнагароды	Ганаровая грамата Міністэрства аховы здароўя Рэспублікі Беларусь[d]

У Вікіпедыі ёсць артыкулы пра іншых людзей з прозвішчам Кацько.

Біяграфія

У 1956 годзе скончыў сярэднюю школу з сярэбраным медалём, у 1962 годзе — Мінскі медыцынскі інстытут. Працаваў загадчыкам Караваціцкага сельскага ўрачэбнага участка Рэчыцкага раёна Гомельскай вобласці, ардынатарам хірургічнага аддзялення Гомельскай абласной бальніцы, загадчыкам хірургічнага аддзялення Ельскай раённай бальніцы. Імкненне да навуковай дзейнасці і павышэння прафесіяналізму заахвоціла У. А. Кацько паступіць у аспірантуру (1965—1968) пры Першай кафедры шпітальнай хірургіі МДМІ, якую ўзначальваў таленавіты хірург І. М. Стальмашонак^[4].

Уся далейшая працоўная дзейнасць звязана з МДМІ. У 1968 годзе ён залічаны на пасаду асістэнта кафедры шпітальнай хірургіі па курсе дзіцячай хірургіі, а ў 1969 годзе пераведзены на новаўтвораную кафедру дзіцячай хірургіі, у 1982 годзе зацверджаны ў званні дацэнта. У 1984 годзе абараніў у Маскве доктарскую дысертацыю і ў 1986 годзе зацверджаны ў званні прафесара^[4].

У 1990 годзе У. А. Кацько выбраны загадчыкам кафедры дзіцячай хірургіі МДМІ, кіраўніком лабараторыі па вывучэнні гамеастазу пры гнойнай інфекцыі ў дзяцей і адначасова назначаны пазаштатным галоўным дзіцячым хірургам Міністэрства аховы здароўя БССР, кіраўніком Цэнтра дзіцячай хірургіі на базе 1-й гарадской клінічнай бальніцы. Кафедру ўзначальваў да 2002 года^[4].

Узнагароды

Узнагароджаны знакам «Выдатнік аховы здароўя», ганаровымі граматамі Міністэрства аховы здароўя Рэспублікі Беларусь, БДМУ^[4].

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-NLB-ar2459338&strq=l_siz=20
2. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-NLB-ar2467909&strq=l_siz=20
3. Кацько, Уладзімір Аляксандравіч (доктар медыцынскіх навук; нар. 1940)
4. Катько Владимир Александрович (нявызн.)(недаступная спасылка). Архівавана з першакрыніцы 14 кастрычніка 2022. Праверана 14 кастрычніка 2022.