Уладзімір Андрэевіч Каробкін

У Вікіпедыі ёсць артыкулы пра іншых людзей з прозвішчам Каробкін.

Уладзімір Андрэевіч Каро́бкін^[4] (нар. 2 лістапада 1940) — вучоны ў галіне машынабудавання, доктар тэхнічных навук (2005), прафесар.

Уладзімір Андрэевіч Каробкін
Дата нараджэння	2 лістапада 1940(1940-11-02)[1] (84 гады)
Месца нараджэння	Орша, Віцебская вобласць, Беларуская ССР, СССР[1]
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	машынабудаванне
Месца працы	Мінскі трактарны завод БДПА ВАК РБ
Навуковая ступень	доктар тэхнічных навук[2][3] (2005)
Навуковае званне	прафесар[2]
Альма-матар	БПІ (1964)
Прэміі	Прэмія Савета Міністраў Рэспублікі Беларусь[d] (1997)
Узнагароды	Заслужаны работнік прамысловасці Рэспублікі Беларусь (2001)

Біяграфія

Нарадзіўся ў горадзе Орша. У 1964 годзе скончыў Беларускі політэхнічны інстытут па спецыяльнасці «Аўтамабілі і трактары». Працуе на Мінскім трактарным заводзе з 1964 года, з 1981 года начальнік і галоўны канструктар Асобнага канструктарскага бюро. З 1994 года У. А. Каробкін у Беларускім нацыянальным тэхнічным універсітэце, прафесар, загадчык філіяла кафедры «Трактары» на Мінскім трактарным заводзе.

Навуковая і грамадская дзейнасць

У. А. Каробкін аўтар больш за 120^[5] навуковы прац у галіне праектавання і вытворчасці базавых шасі спецыяльных гусенічных машын і машын на іх аснове рознага народнагаспадарчага прызначэння, у тым ліку лясных, шахтных, дарожна-будаўнічых машын на аснове колавых трактароў. Мае больш за 110 аўтарскіх пасведчанняў на вынаходствы і патэнтаў^[5].

Акадэмік Міжнароднай акадэміі інфармацыйных тэхналогій (1998) і Акадэміі праблем якасці Расійскай Федэрацыі (1994), член экспертнага савета Вышэйшай атэстацыйнай камісіі Рэспублікі Беларусь, навуковы кіраўнік 3 заданняў ГНТП «Машынабудаванне»^[5]. Член рэдакцыйнай калегіі і рэдакцыйнага савета навукова-практычнага часопіса «Новости науки и технологий»^[6].

Сярод апублікаванага:

• Многоцелевые гусеничные шасси / В. Ф Платонов, В. С. Кожевников, В. А. Коробкин, С. В. Платонов; Под ред. В. Ф. Платонова. — М.: Машиностроение, 1998. — 342 с.
• Лесные машины «Беларус» : учебное пособие для студентов специальности «Машины и оборудование лесного комплекса» высших учебных заведений / А. В. Жуков, А. С. Федоренчик, В. А. Коробкин, А. Н. Бычек. — Минск : [б. и.], 2001. — 149 с. — Библиогр. в конце кн. — ISBN 985-434-146-1
• Конструирование и расчет машин: лабораторные работы (практикум) для студентов специальностей 1-37 01 03 «Тракторостроение» и 1-37 01 04 «Многоцелевые колесные и гусеничные машины» / В. П. Бойков, А. Ф. Андреев, Д. А. Дубовик, В. А. Коробкин. — Минск: Белорус. нац. техн. ун-т, 2009. — 63 с. — ISBN 978-985-479-998-8.

Узнагароды і званні

• Ленінская прэмія (1986)
• Ордэн «Знак Пашаны» (1984)
• Заслужаны работнік прамысловасці Рэспублікі Беларусь (2001)
• Прэмія Савета Міністраў Рэспублікі Беларусь у галіне дызайна (1997)
• Прэмія Міністэрства прамысловасці Рэспублікі Беларусь у галіне навукі і тэхнікі (2004)
• Значок «Лепшы вынаходнік Міністэрства трактарнага і сельскагаспадарчага машынабудавання» (1988)