Уладзімір Восіпавіч Багамолаў

У Вікіпедыі ёсць артыкулы пра іншых людзей з прозвішчам Багамолаў.

Уладзімір Восіпавіч Багамолаў (3 ліпеня 1926, в. Кірылаўка Маскоўскай губ. — 30 снежня 2003) — рускі празаік.

Уладзімір Багамолаў
Уладзімір Восіпавіч Багамолаў
Асабістыя звесткі
Імя пры нараджэнні	Уладзімір Іосіфавіч Вайцінскі
Дата нараджэння	3 ліпеня 1924(1924-07-03)[1][2] ці 3 ліпеня 1926(1926-07-03)[3]
Месца нараджэння	вёска Кірылава, Маскоўская губерня, СССР[4]
Дата смерці	30 снежня 2003(2003-12-30)[5][3]
Месца смерці	Масква, Расія
Пахаванне	Ваганькаўскія могілкі
Грамадзянства	СССР  Расія[6]
Альма-матар	МДУ (1954) Міхайлаўская ваенная артылерыйская акадэмія[d]
Прафесійная дзейнасць
Род дзейнасці	пісьменнік
Гады творчасці	1957—2003
Кірунак	тэма Вялікай Айчыннай вайны
Мова твораў	руская
Прэміі	Дыплом і медаль ЮНЕСКА «За выдатны ўнёсак у Сусветную літаратуру» за «гуманізацыю жорсткага ваеннага рамяства», 2003 Прэмія «За годныя творчыя паводзіны ў літаратуры», 2001 Прэмія імя Мікалая Кузняцова, 2001
Узнагароды

Біяграфія

Скончыў сем класаў сярэдняй школы (1941). Удзельнік Вялікай Айчыннай вайны, у дзеючай арміі служыў паслядоўна радавым, камандзірам аддзялення, памкамузвода, камандзірам узвода — стралковага, аўтаматчыкаў, пешай разведкі, — у канцы вайны выконваў абавязкі камандзіра роты. Пахаваны на Ваганькаўскіх могілках. Узнагароджаны ордэнамі і медалямі.

Бібліяграфія

Вядомасць У. Багамолаву прынесла апавяданне «Іван» («Иван», 1958), экранізаванае А. Таркоўскім — «Іванава дзяцінства» («Иваново детство», 1962^[7]). Аўтар серыі апавяданняў — «Першае каханне» («Первая любовь», 1958), «Сэрца майго боль» («Сердца моего боль», 1965), «Могілкі пад Беластокам» («Кладбище под Белостоком», 1965), «Зося» (1965), рамана «У жніўні 44-га» (або «Момант ісціны», 1973), аповесці «У крыгеры» (1993).

Раман «У жніўні 44-га» або «Момант ісціны», які з'яўляецца найбольш значным творам пісьменніка, меў немалы поспех у савецкага чытача. У рамане-трылеры па-майстэрску з'яўленая атмасфера на землях Заходняй Беларусі адразу пасля яе заняцця Чырвонай арміяй летам 1944-га, на фоне канфлікту некалькіх нацыябудаўнічых праектаў. Выдатна прамаляваныя індывідуальнасці галоўных герояў, як станоўчых, так і адмоўных. Дзве экранізацыі рамана, у тым ліку, «У жніўні 44-га…» (2000) аўтарства М. Пташука, не былі ўхваленыя аўтарам.

Раман «Момант ісціны» («У жніўні 44-га…») і аповесць «Іван» вытрымалі больш сотні перавыданняў агульным накладам больш за 1 млн. асобнікаў. Кнігі У. Багамолава ўваходзяць у вучэбныя праграмы для чытання сярэдніх школ, гімназій і ліцэяў шэрага краін, у т.л. Беларусі.

Зноскі

1. Большая российская энциклопедия — М.: Большая российская энциклопедия, 2004. Праверана 30 лістапада 2017.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q1768199'></a>
2. http://delibere.fr/vladimir-bogomolov/ Праверана 30 лістапада 2017.
3. БОГОМОЛОВ Владимир Осипович // Русская литература XX века. Прозаики, поэты, драматурги / под ред. Н. Н. Скатов — 2005. — С. 247–248. — ISBN 5-94848-245-6

   <a href='https://wikidata.org/wiki/Track:Q124467367'></a><a href='https://wikidata.org/wiki/Track:Q124510026'></a><a href='https://wikidata.org/wiki/Track:Q4421639'></a>
4. в. Кірылава, 65 км ад Масквы па Яраслаўскай шашы, недалёка ад Сергіева Пасада. Гл. «Богомолов Владимир Осипович» // Краткая литературная энциклопедия, М., Сов. энциклопедия, т. 9, 1962, стр. 154. Кірылаўка — вёска ў складзе гарадской акругі Хімкі, Маскоўская вобласць.
5. The Fine Art Archive — 2003. Праверана 1 красавіка 2021.

   <a href='https://wikidata.org/wiki/Track:Q10855166'></a>
6. LIBRIS — Каралеўская бібліятэка Швецыі, 2012. Праверана 24 жніўня 2018.

   <a href='https://wikidata.org/wiki/Track:Q953058'></a><a href='https://wikidata.org/wiki/Track:Q1798125'></a>
7. Фільм уганараваны вышэйшай прэміяй Венецыянскага кінафестывалю «Залаты леў».