Уладзімір Вітальевіч Далгіх

Уладзімір Вітальевіч Далгіх (26 лютага 1969, г. Гродна) — беларускі артыст балета. Дзяржаўная прэмія Беларусі (1996).

Уладзімір Вітальевіч Далгіх
Дата нараджэння	26 лютага 1969(1969-02-26) (56 гадоў)
Месца нараджэння	Гродна, Гродзенская вобласць, Беларуская ССР, СССР
Адукацыя	Беларускае дзяржаўнае харэаграфічнае вучылішча (1987)
Прафесія	артыст балета
Тэатр	Нацыянальны акадэмічны Вялікі тэатр оперы і балета Рэспублікі Беларусь
Прэміі
Узнагароды	Прэмія імя Л. Александроўскай (1996)

У Вікіпедыі ёсць артыкулы пра іншых людзей з прозвішчам Далгіх.

Біяграфія

Скончыў у 1987 годзе Беларускае харэаграфічнае вучылішча. 3 1989 года саліст Нацыянальнага акадэмічнага Вялікага тэатра оперы і балета Рэспублікі Беларусь.

Творчасць

Творчасці Далгіх уласцівы пластычная выразнасць, сэнсавая напоўненасць, тонкая псіхалагічная распрацоўка партый, высакародства і рамантычная ўзнёсласць светаўспрымання яго герояў. Сярод партый: Яраполк («Страсці» А. Мдывані), Прынц, Зігфрыд, Дэзірэ («Шчаўкунок», «Лебядзінае возера», «Спячая прыгажуня» П. Чайкоўскага), Альберт («Жызэль^[ru]» А. Адана), Джэймс («Сільфіда^[ru]» Х. Левенскольда), Палемон («Ундзіна^[en]» Г. Хенцэ), Рамэа («Рамэа і Джульета» С. Пракоф’ева), Адам («Стварэнне свету» А. Пятрова), Спартак («Спартак^[ru]» А. Хачатурана), Феб («Эсмеральда^[ru]» Ц. Пуні), Філіп («Тыль Уленшпігель» Я. Глебава), Факір («Баядэрка^[ru]» Л. Мінкуса).

Узнагароды

Лаўрэат Дзяржаўнай прэміі Беларусі (1996), прэміі імя Л. Александроўскай у складзе групы салістаў балета «Страсці» (1996).

Літаратура

• Т. М. Мушынская. Далгіх Уладзімір Вітальевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.