Уладзімір Іванавіч Ганчарык

У Вікіпедыі ёсць артыкулы пра іншых людзей з прозвішчам Ганчарык.

Уладзімір Іванавіч Ганчарык (нар. 29 красавіка 1940(1940-04-29), Лагойскі раён, Мінская вобласць) — беларускі грамадска-палітычны дзеяч.

Уладзімір Іванавіч Ганчарык
дэпутат Вярхоўнага Савета Беларусі 9 студзеня 1996 — 9 студзеня 2001
Нараджэнне	29 красавіка 1940(1940-04-29) (85 гадоў) Лагойскі раён, Мінская вобласць, Беларуская ССР, СССР
Партыя	Камуністычная партыя Беларусі КПСС
Адукацыя	Акадэмія грамадскіх навук пры ЦК КПСС[d] Беларускі дзяржаўны інстытут народнай гаспадаркі імя В. У. Куйбышава (1961)
Навуковая ступень	кандыдат эканамічных навук
Узнагароды

Біяграфія

Скончыў Беларускі інстытут народнай гаспадаркі (1961), аспірантуру Акадэміі грамадскіх навук пры ЦК КПСС (1976). Кандыдат эканамічных навук (1976).

З 1964 член КПСС. У 1965 годзе перайшоў на партыйную работу, займаў шэраг кіраўнічых пасад. у тым ліку другога сакратара Магілёўскага абкама КПБ. З 1986 года старшыня Беларускага рэспубліканскага савета прафсаюзаў, затым — Федэрацыі прафсаюзаў Беларусі.

Дэпутат Вярхоўнага Савета БССР (1986—1990), Вярхоўнага Савета СССР (1989—1991). Быў дэпутатам Вярхоўнага Савета Беларусі 13 склікання (1995—1996).

Адзіны кандыдат ад апазіцыі на прэзідэнцкіх выбарах у 2001 годзе. Па выніках выбараў Ганчарык, паводле афіцыйных даных, набраў 15,65 % галасоў і такім чынам прайграў Аляксандру Лукашэнку, які набраў 75,65 % галасоў выбаршчыкаў.