Уладзімір Міхайлавіч Давыдоўскі

Уладзімір Міхайлавіч Давыдоўскі (16 сакавіка 1964, Мінск) — беларускі журналіст, пісьменнік і музыкант.

Уладзімір Міхайлавіч Давыдоўскі
Асабістыя звесткі
Дата нараджэння	16 сакавіка 1964(1964-03-16) (61 год)
Месца нараджэння	Мінск, Беларуская ССР, СССР
Альма-матар	Мінскі дзяржаўны мастацкі каледж імя А. К. Глебава факультэт журналістыкі БДУ
Месца працы	Літаратура і мастацтва Беларуская маладзёжная Беларускае Радыё Рацыя Радыё Свабода
Прафесійная дзейнасць
Род дзейнасці	пісьменнік, журналіст, спявак
Грамадская дзейнасць
Член у	Мроя Саюз беларускіх пісьменнікаў Беларуская асацыяцыя журналістаў

У Вікіпедыі ёсць артыкулы пра іншых людзей з прозвішчам Давыдоўскі.

Біяграфія

Скончыў Мінскае мастацкае вучылішча імя Глебава (1984) і факультэт журналістыкі БДУ (1995). Адзін з заснавальнікаў беларускага рок-гурта «Мроя», які пакінуў у верасні 1989. Займаўся ўласнымі праектамі. У 1992 стварыў гурт «Вялікае Княства» і запісаў музычны праект «Голас Дажджу». Аўтар інфармацыйнага праекта «Сусветная служба „Беларускай Маладзёжнай“» (1991—1994). Удзельнічаў у музычных і кнігавыдавецкіх праектах, тэматычна звязаных з гісторыяй Вялікага княства Літоўскага. Сябра Саюза беларускіх пісьменнікаў і Беларускай асацыяцыі журналістаў. Працаваў намеснікам галоўнага рэдактара тыднёвіка «Літаратура і мастацтва», рэдактарам і вядучым праграм радыёстанцыі «Беларуская маладзёжная» і Радыё «Рацыя», журналістам «Радыё Свабода». Лаўрэат IX конкурса імя Ежы Гедройца Польскага Інстытута ў галіне журналістыкі за 2008 год. Каардынатар парталаў «Вялікае Княства. Навіны»^[1] ды «Вялікае Княства. Эліта».^[2].

Зноскі

1. http://wkn.by/ Архівавана 30 красавіка 2011.
2. http://elite.wkn.by/ Архівавана 1 мая 2011.