Уладзімір Лук’янавіч Шалюта

У Вікіпедыі ёсць артыкулы пра іншых людзей з прозвішчам Шалюта.

Уладзімір Лук’янавіч Шалюта (2 снежня 1938, в. Свяцілавічы, Веткаўскі раён, Гомельская вобласць — 3 красавіка 2009) — беларускі фармаколаг. Доктар фармацэўтычных навук (1989), прафесар (1989).

Уладзімір Лук’янавіч Шалюта
Дата нараджэння	2 снежня 1938(1938-12-02)
Месца нараджэння	Свяцілавічы, Свяцілавіцкі сельсавет, Свяцілавіцкі раён, Гомельская вобласць, Беларуская ССР, СССР
Дата смерці	3 красавіка 2009(2009-04-03) (70 гадоў)
Грамадзянства	Беларусь
Род дзейнасці	выкладчык універсітэта
Месца працы	Віцебскі дзяржаўны медыцынскі ўніверсітэт
Навуковая ступень	доктар фармацэўтычных навук[d] (1989)
Навуковае званне	прафесар (1989)
Альма-матар	Магілёўскае медыцынскае вучылішча (1958) Віцебскі медыцынскі інстытут (1966)

Біяграфія

Нарадзіўся 2 снежня 1938 года ў в. Свяцілавічы Веткаўскага раёна Гомельскай вобласці.

У 1956 годзе, пасля заканчэння Свяцілавіцкай сярэдняй школы, паступіў у Магілёўскае медыцынскае вучылішча на фармацэўтычнае аддзяленне, якое скончыў у 1958 годзе. У гэтым жа годзе быў прызваны ў шэрагі Савецкай Арміі, дэмабілізаваны ў 1961 годзе^[1]. У 1966 годзе скончыў Віцебскі дзяржаўны медыцынскі інстытут.

З 1966 года працаваў у Віцебскім дзяржаўным медыцынскім універсітэце на фармацэўтычным факультэце: у 1966—1981 гадах — выкладчык кафедры аналітычнай і таксікалагічнай хіміі, з 1981 года — выкладчык кафедры фармакагнозіі і батанікі, у 1981—1996 і 1998—2001 гадах — загадчык кафедры, у 1996—1997 гадах — дэкан факультэта.

Навуковыя інтарэсы: флаваноідны састаў раслін Беларусі; пошук і вывучэнне біялагічна актыўных рэчываў у раслінах; распрацоўка нарматыўнай дакументацыі на лекавую раслінную сыравіну.

Памёр 3 красавіка 2009 года.

Зноскі

1. Некролог. Владимир Лукьянович Шелюто (нявызн.)(недаступная спасылка). Архівавана з першакрыніцы 24 жніўня 2022. Праверана 24 жніўня 2022.