Уладзімір Сямёнавіч Мурахвер

Уладзімір Сямёнавіч Мурахвер (5 снежня 1931(1931-12-05), Ананьеў, Малдаўская Аўтаномная Савецкая Сацыялістычная Рэспубліка^[d] — 2 студзеня 2017(2017-01-02), Бярозаўка, Гродзенская вобласць) — беларускі мастак дэкаратыўна-прыкладнога мастацтва. Заслужаны дзеяч мастацтва Беларусі (1990). Муж Л. М. Мягковай.

Уладзімір Сямёнавіч Мурахвер
Дата нараджэння	5 снежня 1931(1931-12-05)
Месца нараджэння	Ананьеў, Ананьіўскі раён, Малдаўская Аўтаномная Савецкая Сацыялістычная Рэспубліка[d], УССР, СССР
Дата смерці	2 студзеня 2017(2017-01-02) (85 гадоў)
Месца смерці	Бярозаўка, Лідскі раён, Гродзенская вобласць, Беларусь
Месца пахавання	Бярозаўка
Род дзейнасці	мастак па шкле
Жанр	дэкаратыўна-прыкладное мастацтва і мастацкае шкло[d]
Вучоба	Санкт-Пецярбургская дзяржаўная мастацка-прамысловая акадэмія імя А. Л. Штыгліца
Узнагароды
Медыяфайлы на Вікісховішчы

Біяграфія

Нарадзіўся 5 снежня 1931 года ў г. Ананьеў Малдаўскай Аўтаномнай Савецкай Сацыялістычнай Рэспублікі.

У 1952 годзе скончыў Ташкенцкае мастацкае вучылішча^[1].

У 1959 годзе скончыў Ленінградскае вышэйшае мастацка-прамысловае вучылішча імя Мухінай па спецыяльнасці «Мастацкая кераміка, мастацкая апрацоўка шкла»^[1].

У 1959 годзе па размеркаванні быў накіраваны на шклозавод «Нёман» у Бярозаўку, дзе працаваў да 2000 года, у тым ліку ў 1966 па 1973 гадах — на пасадзе галоўнага мастака. Узначальваў мастацкі аддзел, мастацка-эксперыментальную лабараторыю завода.

Памёр 2 студзеня 2017 года ў г. Бярозаўка Гродзенскай вобласці.

Творчасць

Працуючы на шклозаводзе «Нёман», стварыў больш за тысячу вырабаў са шкла, большасць з якіх была ўкаранёна ў масавую вытворчасць і выпускаецца ў цяперашні час. У вольны час займаўся жывапісам і графікай, работы экспанаваліся ў музеях, на шматлікіх міжнародных выставах, гандлёва-прамысловых кірмашах.

З 1960 года — удзельнік мастацкіх выстаў^[1].

Творы захоўваюцца ў зборах Нацыянальнага мастацкага музея Рэспублікі Беларусь, Гродзенскага гісторыка-археалагічнага музея, Лідскага гісторыка-мастацкага музея, гістарычнага музея ў Смаленску, музея прыкладнога мастацтва ў Санкт-Пецярбургу, музея-сядзібы Кускова, музея шкла ў Даніі, у прыватных калекцыях Беларусі, Украіны, Германіі, ЗША і Польшчы.

Галерэя

• Творы Уладзіміра Мурахвера ў музеі шклозавода «Неман»
• 
  Еўфрасіння Полацкая
• 
  Маці Божая з дзіцем

Узнагароды

• Ганаровая грамата Вярхоўнага Савета БССР (1975),
• залаты медаль на выстаўцы шкла і фарфору ў г. Ябланец (Чэхаславакія, 1979),
• заслужаны дзеяч мастацтваў БССР (1990),
• сярэбраны медаль Акадэміі мастацтваў СССР (1990).

Зноскі

1. Уладзімір Мурахвер. Да 90-годдзя з дня нараджэння