Уладзімір Мікалаевіч Сітуха

Уладзімір Мікалаевіч Сітуха (16 чэрвеня 1950, в. Гутава, Драгічынскі раён — 22 кастрычніка 2014) — журналіст, паэт, празаік, дзіцячы пісьменнік.

Уладзімір Мікалаевіч Сітуха
Асабістыя звесткі
Дата нараджэння	16 чэрвеня 1950(1950-06-16)
Месца нараджэння	Гутава, Драгічынскі сельсавет, Драгічынскі раён, Пінская вобласць, Беларуская ССР, СССР
Дата смерці	22 кастрычніка 2014(2014-10-22) (64 гады)
Грамадзянства	Беларусь
Альма-матар	факультэт журналістыкі БДУ (1985) Міжнародная акадэмія інфармацыйных тэхналогій[d]
Месца працы	Заря Народная трыбуна[d] Выдавецкі дом «Звязда»
Прафесійная дзейнасць
Род дзейнасці	журналіст, паэт, празаік, дзіцячы пісьменнік
Мова твораў	беларуская і руская
Грамадская дзейнасць
Член у	Саюз журналістаў Беларусі Саюз журналістаў СССР[d] Саюз пісьменнікаў Беларусі
Прэміі	Літаратурная прэмія імя Уладзіміра Калесніка (2014)

Біяграфія

Нарадзіўся ў вёсцы Гутава Драгічынскага раёна Брэсцкай вобласці. Скончыў Гутаўскую сярэднюю школу (1968), факультэт журналістыкі Беларускага дзяржаўнага ўніверсітэта (1985) і Міжнародную Акадэмію інфармацыйных тэхналогій (2004).

Друкавацца пачаў у школьныя гады, што і вызначыла далейшы лёс: адразу пасля заканчэння дзесяцігодкі быў запрошаны на працу ў раённую газету. А дыпломную работу ў Белдзяржуніверсітэце абараніў на «выдатна» сваёй першай, толькі што выдадзенай кнігай^[1].

Іграў на многіх музычных інструментах. Яго шматлікія вершы пакладзены на музыку прафесійнымі кампазітарамі і загучалі песнямі.

У апошнія гады працаваў намеснікам галоўнага рэдактара газет «Заря» і «Народная трыбуна», прапагандыстам Брэсцкага абласнога аддзялення Саюза пісьменнікаў Беларусі. Член-карэспандэнт МАІТ.

З 2013 года быў кіраўніком прадстаўніцтва буйнейшай беларускай рэдакцыйна-выдавецкай установы "Выдавецкі дом «Звязда» па  Брэсцкай і Гомельскай абласцях.

Член Беларускага саюза журналістаў і Саюза журналістаў СССР з 1981 года, Саюза пісьменнікаў Беларусі — з 2006 года.

Творчасць

Аўтар кніг:

• «Автограф на ниве»: очерки (Минск, «Ураджай», 1986).
• «Сваты» (Мінск, «Выдавецтва У. М. Скакун», 2000).
• «Акорды душы» (Мінск, «Выдавецтва У. М. Скакун», 2000).
• «Акрылены верай»: дак. аповесць (Расія, «Москва», 2001).
• «Споведзь пра Бядулю»: паэма (Брэст, «Академия», 2004).
• «Скакуны»: вершав. трылогія (Брэст, «Академия», 2005).
• «Генералы зямлі» (Брэст, «Академия», 2006).
• «Званы над Шкловам»: (Брэст, «Академия» 2007).
• «Аб веры, вернасці і вечнасці» (Брэст, «Академия», 2007).
• «Землякі»: паэма (Брэст, «Альтернатива», 2008).
• «Лясная кніга ў творах беларускіх пісьменнікаў»: навук.-папулярнае выданне (Мінск, «Літаратура і мастацтва», 2008).
• «Поклон вам, люди в белых халатах» (Брест, «Альтернатива», 2008).
• «Вкусны и полезны сыры Беловежья» (Брест, «Альтернатива», 2008).
• «Возвышенно сердце стучит»: документальная повесть (Брест, «Альтернатива», 2009).
• «Стваральнікі» (Брэст, «Альтернатива», 2011).
• «Пра арэхі, сома і бабра» (Мінск, "Выдавецкі дом «Звязда», 2014).
• «Служим закону, народу, Отечеству» и «Река жизни»: книга из 2-х разделов, посмертно (Брест, «Альтернатива», 2016).

Укладальнік літаратурных зборнікаў:

• «Здравницы Брестчины» (Брест, «Альтернатива», 2012).
• «Его Величество Хлеб» (Брест, «Альтернатива», 2014).

Прызнанне

Узнагароджаны Граматай Брэсцкага аблвыканкама, Ганаровай граматай Беларускага саюза журналістаў за поспехі ў беларускай журналістыцы і літаратурнай дзейнасці (2007).

Дыпламант абласнога конкурсу сярод рэдакцый СМІ, радыё і тэлеперадач прафесійных журналістаў у намінацыі "Лепшы нарыс «Наш сучаснік» (2013).

Лаўрэат літаратурнай прэміі імя У. А. Калесніка Брэсцкага аблвыканкама ў намінацыі «Дзіцячая літаратура», пасмяротна (2014).

Публікацыі ў літаратурных зборніках

• «Берасцейскія карані» (Брэст, «Брэсцкая друкарня», 1993, 1998).
• «Райскі куток Палесся»: дакументальна-мастацкія нарысы (Мінск, «Литература и Искусство», 2008).

Зноскі

1. «Творчы партрэт пісьменніцкай суполкі: Біяграфічны даведнік Брэсцкага абласнога аддзялення Саюза пісьменнікаў Беларусі»: (Брэст, «Альтэрнатыва», 2018)