Уладзімір Міхайлавіч Пазднякоў

У Вікіпедыі ёсць артыкулы пра іншых людзей з прозвішчам Пазднякоў.

Уладзімір Міхайлавіч Пазднякоў (нар. 28 мая 1984(1984-05-28), Магілёў) — рэктар Міжнароднага ўніверсітэта МІПСА (з 2022). Кандыдат тэхнічных навук (2010), дацэнт.

Уладзімір Міхайлавіч Пазднякоў
Дата нараджэння	28 мая 1984(1984-05-28) (41 год)
Месца нараджэння	Магілёў, Магілёўская вобласць, Беларуская ССР, СССР
Род дзейнасці	навуковец
Месца працы	БДАТУ Міжнародны ўніверсітэт МІПСА
Навуковая ступень	кандыдат тэхнічных навук
Навуковае званне	дацэнт
Альма-матар	Беларускі дзяржаўны ўніверсітэт харчовых і хімічных тэхналогій

Біяграфія

Нарадзіўся 28 мая 1984 годзе ў Магілёве.

C адзнакай скончыў Магілёўскі дзяржаўны ўніверсітэт харчавання з прысваеннем кваліфікацыі «інжынер-механік»; аспірантуру Магілёўскага дзяржаўнага ўніверсітэта харчавання па спецыяльнасці «працэсы і апараты харчовых вытворчасцяў». У 2010 годзе абараніў кандыдацкую дысертацыю. Прысвоена вучонае званне дацэнта па спецыяльнасці «Тэхналогія (харчовая прамысловасць)». Мае міжнародны дыплом Ph.D in Technical Sciences.

Працаваў у Беларускім дзяржаўным аграрным тэхнічным універсітэце (БДАТУ) на пасадах — дацэнт кафедры «тэхналогіі і тэхнічнае забеспячэнне працэсаў перапрацоўкі і захоўвання сельскагаспадарчай прадукцыі», намеснік прарэктара па навуковай рабоце, прарэктар па выхаваўчай рабоце, прарэктар па вучэбнай і выхаваўчай рабоце БДАТУ.

У 2021—2024 гадах — намеснік старшыні Федэрацыі прафсаюзаў Беларусі.

З 2022 года — рэктар Міжнароднага ўніверсітэта «МІПСА».

У красавіку 2024 года быў выбраны дэлегатам на Усебеларускі народны сход 7-га склікання ад Федэрацыі прафсаюзаў Беларусі^[1].