Уладзімір Паўлавіч Ісачанка

У Вікіпедыі ёсць артыкулы пра іншых людзей з прозвішчам Ісачанка.

Уладзімір Паўлавіч Ісачанка (нар. 20 красавіка 1956) — вядомы беларускі мастак.

Уладзімір Паўлавіч Ісачанка
Дата нараджэння	20 красавіка 1956(1956-04-20) (69 гадоў)
Месца нараджэння	Касцюкоўка, Гомельскі раён, Гомельская вобласць, Беларуская ССР, СССР
Грамадзянства	СССР  Беларусь
Род дзейнасці	мастак
Жанр	станковы жывапіс, пейзаж, нацюрморт, партрэт, кніжная графіка
Вучоба	Мінскае мастацкае вучылішча імя А. К. Глебава (1975) Беларускі дзяржаўны тэатральна-мастацкі інстытут (1983)
Мастацкі кірунак	рэалізм
Сайт	vladimir.isachenko.com

Біяграфія

Нарадзіўся ў г.п. Касцюкоўка Гомельскай вобласці Беларусі. У 1975 годзе скончыў Мінскае мастацкае вучылішча імя Глебава, у 1983 годзе — Беларускі тэатральна-мастацкі інстытут. Вучыўся у Т. Ігнаценка, А. Малішэўскага, У. Тоўсціка.

З 1992 па кастрычнік 2009 года працаваў завучам-выкладчыкам у дзіцячай мастацкай школе № 1 імя В. К. Цвіркі (г. Мінск). Сёння — свабодны мастак.

Жыве ў Мінску.

Творчасць

Працуе ў станковым жывапісе, у жанры пейзажа, нацюрморта, партрэта, кніжнай графікі. Для прац характэрны дужы малюнак, майстэрства кампазіцыі і эмацыйная насычанасць колеру.

Удзельнік мастацкіх выставак з 1976 года. Член Беларускага саюза мастакоў і Міжнароднай гільдыі жывапісцаў^[1].

Зноскі

1. Владимир Исаченко / Об авторе Архівавана 11 верасня 2010.