Уладзімір Паўлавіч Забела

Уладзімір Паўлавіч Забе́ла (17 сакавіка 1939, г. Вільнюс — 1 студзеня 2021) — беларускі рэжысёр. Заслужаны дзеяч мастацтваў БССР (1990). Прафесар (1995).

Уладзімір Паўлавіч Забела
Дата нараджэння	17 сакавіка 1939(1939-03-17)
Месца нараджэння	Вільня, Віленскае ваяводства, Польская Рэспубліка
Дата смерці	1 студзеня 2021(2021-01-01) (81 год)
Адукацыя	Ленінградскі дзяржаўны інстытут тэатра, музыкі і кінематаграфіі (1970)
Прафесія	рэжысёр
Тэатр	Нацыянальны акадэмічны драматычны тэатр імя Якуба Коласа Нацыянальная дзяржаўная тэлерадыёкампанія Рэспублікі Беларусь Брэсцкі акадэмічны тэатр драмы імя Ленінскага камсамола Беларусі Беларуская дзяржаўная акадэмія мастацтваў
Член у	БСТД
Прэміі
Узнагароды

У Вікіпедыі ёсць артыкулы пра іншых людзей з прозвішчам Забела.

Біяграфія

Скончыў у 1970 годзе Ленінградскі інстытут тэатра, музыкі і кінематаграфіі. З 1970 года ў Беларускім тэатры імя Я. Коласа, з 1973 года на Беларускім тэлебачанні. 3 1984 года галоўны рэжысёр Брэсцкага абласнога драматычнага тэатра. З 1986 года выкладае ў Беларускай акадэміі мастацтваў, з 1987 года дэкан, з 1990 года — загадчык кафедры^[1], з 1994 года — загадчык кафедры кіна-тэлемастацтва, у 1998—2012 і 2015—2018 гг. — загадчык кафедры рэжысуры кіно і тэлебачання^[2].

Член Беларускага саюза тэатральных дзеячаў з 1963 года.

Памёр 1 студзеня 2021 года^[3].

Творчасць

Сярод пастановак: тэатральныя «Амністыя» М. Матукоўскага (1971), «Свой востраў» Р. Каўгвера (1972), «Цыліндр» Э. Дэ Філіпа (1985), тэлевізійныя «Завеі, снежань» паводле І. Мележа (1979) і інш. Аўтар творчых тэлепартрэтаў дзеячаў беларускай літаратуры і мастацтва, дакументальных тэлепраграм па гісторыі і духоўнай спадчыне беларускага народа^[1].

Узнагароды

Заслужаны дзеяч мастацтваў БССР (1990). Лаўрэат Дзяржаўнай прэміі БССР (1982)^[1].

Зноскі

1. Д. М. Гіргель. Забела Уладзімір Паўлавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
2. Уладзімір Паўлавіч Забела ў Зводным электронным каталогу бібліятэк Беларусі
3. Уладзімір Паўлавіч Забела на сайце анлайн-энцыклапедыі «Беларусь у асобах і падзеях»