Уладзімір Паўлавіч Шаплыка

У Вікіпедыі ёсць артыкулы пра іншых людзей з прозвішчам Шаплыка.

Уладзі́мір Па́ўлавіч Шаплы́ка (30 студзеня 1947, Брагін, Гомельская вобласць, Беларуская ССР — 29 снежня 2013, Масква) — беларускі савецкі партыйны і дзяржаўны дзеяч, першы сакратар Гомельскага абкама КП Беларусі (1991), першы сакратар Цэнтральнага камітэта ЛКСМБ (1985—1989).

Уладзімір Паўлавіч Шаплыка
Першы сакратар Гомельскага абкама КПБ 10 жніўня 1991 — 25 жніўня 1991
Папярэднік	Аляксандр Грахоўскі
Пераемнік	пасада скасаваная
Першы сакратар ЦК ЛКСМБ жнівень 1980 — чэрвень 1983
Папярэднік	Канстанцін Платонаў
Пераемнік	Ніна Мазай
Нараджэнне	30 студзеня 1947(1947-01-30) Брагін, Брагінскі раён, Палеская вобласць, Беларуская ССР, СССР
Смерць	29 снежня 2013(2013-12-29) (66 гадоў) Масква, Расія
Месца пахавання	Траякураўскія могілкі
Адукацыя	Беларуская дзяржаўная сельскагаспадарчая акадэмія

Біяграфія

Скончыў Беларускі інстытут механізацыі сельскай гаспадаркі.

Пасля заканчэння інстытута працаваў у саўгасе «Галевічы». З 1970 года на камсамольскай працы: сакратар райкама, пасля другі, першы сакратар Гомельскага абкама камсамола, сакратар ЦК ЛКСМБ, а са жніўня 1980 па чэрвень 1983 года першы сакратар ЦК ЛКСМБ. З ліпеня 1983 года па май 1985 года — другі сакратар Гомельскага абкама КПБ. У 1985 годзе быў абраны сакратаром ЦК УЛКСМ, а ў 1987 годзе быў пераведзены ў апарат ЦК КПСС. У 1991 годзе быў прызначаны першым сакратаром Гомельскага абкама партыі. Пасля Жнівеньскага путча нядоўгі час працаваў у Гомельскім аблвыканкаме. Пазней пераехаў у Маскву, працаваў у Сакратарыяце Парламенцкага Сходу Саюза Беларусі і Расіі, на гаспадарчай працы.

Дэпутат Вярхоўнага Савета Беларускай ССР 9—11 скліканняў. Дэлегат 17—20 з’ездаў УЛКСМ, дэлегат XXVI і XXVII з’ездаў КПСС.

Спасылкі

• Александр Веко Владимир Шаплыко: каким он парнем был!(руск.) // Калінкавіцкія навіны. — 26.09.2018. Архівавана з першакрыніцы 18 студзеня 2020.
• Шаплыко Владимир Павлович(руск.) // Гомельская праўда. — 31.12.2013.
• Простились с Шаплыко Владимиром Павловичем (1947—2013)(руск.) // Комсомол в нашей судьбе. — 03.01.2014.