Уладзіслаў Андрэевіч Франкоўскі

Уладзіслаў Андрэевіч Франкоўскі (1819—1895) — рускі ўрач і грамадскі дзеяч, дабрачынец, адзін з арганізатараў Харкаўскага медыцынскага таварыства  (руск.).

Уладзіслаў Андрэевіч Франкоўскі
Дата нараджэння	1819
Месца нараджэння	Мазырскі павет, Мінская губерня, Расійская імперыя
Дата смерці	31 сакавіка 1895(1895-03-31)
Месца смерці	Харкаў, Харкаўскі павет[d], Харкаўская губерня, Расійская імперыя
Грамадзянства	Расійская імперыя
Род дзейнасці	урач
Месца працы	Харкаўскі нацыянальны ўніверсітэт імя В. Н. Каразіна
Альма-матар	Харкаўскі нацыянальны ўніверсітэт імя В. Н. Каразіна
Узнагароды

У Вікіпедыі ёсць артыкулы пра іншых людзей з прозвішчам Франкоўскі.

Біяграфія

Нарадзіўся ў 1819 годзе (па іншых дадзеных у 1816 годзе) у Мазырскім павеце Мінскай губерні ў шляхецкай сям’і^[1].

Страціўшы ў раннім узросце бацькоў, выхоўваўся сярод чужых людзей, што пасля абумовіла яго глыбокае спачуванне да пакут блізкіх. Паступіў у Віленскую медыка-хірургічную акадэмію, адкуль з другога курса перайшоў на медыцынскі факультэт імператарскага Харкаўскага ўніверсітэта (цяпер Харкаўскі нацыянальны універсітэт імя В. Н. Каразіна), які скончыў у 1840 годзе, атрымаўшы званне лекара.

Па заканчэнні ўніверсітэта на працягу пяці гадоў Франкоўскі працаваў ардынатарам тэрапеўтычнай клінікі. У 1845 годзе быў прызначаны ўрачом студэнтаў ветэрынарнага вучылішча, дзе працаваў бясплатна і да таго ж штогод ахвяраваў по 60 рублей на лекі для малазабяспечаных студэнтаў. У 1848—1858 гадах працаваў акушэрам урачэбнай управы. Да адкрыцця бальніцы Харкаўскага медыцынскага таварыства  (руск.) яго амбулаторыя была адзіным месцам, дзе прымалі бедных^[1].

У 1847—1848 гадах, падчас эпідэміі халеры, У. А. Франкоўскі загадваў халернай бальніцай. Падчас Крымскай вайны 1854—1855 гадоў ён бясплатна працаваў у ваенных шпіталях Харкава і Харкаўскай губернскай бальніцы. Падчас руска-турэцкай вайны 1877—1878 гадоў таксама бясплатна дапамагаў параненым і хворым, за што яго ўзнагародзілі спецыяльным знакам адрознення Чырвонага Крыжа. У 1861 годзе Уладзіслаў Андрэевіч быў адным з заснавальнікаў і прымаў удзел у дзейнасці Харкаўскага медыцынскага таварыства  (руск.), ганаровым членам якога ён быў абраны ў 1886 годзе^[1].

Займаўся дабрачыннай і грамадскай дзейнасцю — быў членам гарадской думы, членам гарадскога санітарнага савета, працаваў у Харкаўскім дабрачынным таварыстве, быў ганаровым міравым суддзёй. За вялікія заслугі перад горадам У. А. Франкоўскі стаў ганаровым грамадзянінам Харкава^[1]. Разам з Рыгорам Цеханавецкім  (укр.), стаў першым дарыльшчыкам кніг для новастворанай Харкаўскай грамадскай бібліятэкі  (руск.)^[2].

У ліку ўзнагарод Уладзіслава Франкоўскага — ордэна Святога Станіслава 2-й ступені (1857) і Святога Станіслава 2-й ступені з імператарскай каронай (1867).

Памёр у Харкаве 31 сакавіка (12 красавіка па новым стылі) 1895 года.

Памяць

• У 1894 годзе ў гонар ганаровага грамадзяніна Харкава гарадская Дума вырашыла аб’яднаць Бахмецьеўскі завулак з Рыжоўскай набярэжнай і перайменаваць іх у вуліцу Франкоўскую  (укр.)^[3]
• У Харкаве на доме па адрасе вуліца Максімільянаўская, 11  (укр.) У. А. Франковскому ўстаноўлена мемарыяльная дошка^[4], дзе ён названы палякам.
• Заснавальнік першай у правінцыі дзіцячай бясплатнай інфекцыйнай бальніцы (названай Крапоткінскай ў гонар забітага ў 1879 годзе харкаўскага губернатара Д. М. Крапоткіна  (руск.)) на вуліцы Дваранскай 11 (цяпер — Ю. Чыгірына  (укр.), 11).

Зноскі

1. Франковский Владислав Андреевич (нявызн.). Архівавана з першакрыніцы 23 верасня 2018. Праверана 30 верасня 2020.
2. Шалыганова 2015.
3. Улица Франковская (нявызн.). Архівавана з першакрыніцы 25 студзеня 2021. Праверана 30 верасня 2020.
4. Мемориальная доска В. А. Франковскому