Уральскі федэральны ўніверсітэт імя першага Прэзідэнта Расіі Б. М. Ельцына

Уральскі федэральны ўніверсітэт імя першага Прэзідэнта Расіі Б. М. Ельцына (руск.: Уральский федеральный университет имени первого Президента России Б. Н. Ельцина) — вышэйшая навучальная ўстанова ў Екацярынбургу.

Уральскі федэральны ўніверсітэт імя першага Прэзідэнта Расіі Б. М. Ельцына
руск.: Уральский федеральный университет
Заснаваны	1920
Рэктар	Віктар Анатолевіч Какшароў[d]
Студэнты	57 000
Краіна	Расія[1]
Размяшчэнне	Екацярынбург
Узнагароды
Сайт	urfu.ru/ru/ (руск.) urfu.ru/en/ (англ.)
Медыяфайлы на Вікісховішчы

Гісторыя

Уральскі федэральны ўніверсітэт быў адкрыты ў 1920 годзе дэкрэтам Савета Народных Камісараў СССР як Уральскі дзяржаўны ўніверсітэт. У 1925 годзе ўніверсітэт быў перайменаваны ва Уральскі політэхнічны інстытут.

Уральскі політэхнічны інстытут у сваю чаргу ў 1930 годзе быў падзелены на 10 галіновых інстытутаў, але ў 1934 годзе Уральскі політэхнічны інстытут адноўлены як Уральскі індустрыяльны інстытут. У 1934 годзе інстытуту было прысвоена імя Сяргей Кірава.

У 1931 годзе ў Свярдлоўску таксама быў створаны Свярдлоўскі дзяржаўны ўніверсітэт (якому ў 1936 годзе было прысвоена імя Максіма Горкага). Такім чынам у 1930-х гадах у Свярдлоўску размяшчалася дзве вышэйшых навучальных установы.

У 1945 годзе Свярдлоўскі дзяржаўны ўніверсітэт імя М. Горкага быў перайменаваны ва Уральскі дзяржаўны універсітэт імя М. Горкага. У сваю чаргу, у 1948 годзе Уральскі індустрыяльны інстытут быў зноў перайменаваны ва Уральскі політэхнічны інстытут (УПІ).

24 снежня 1992 года УПІ быў ператвораны ва Уральскі дзяржаўны тэхнічны ўніверсітэт (УДТУ), а ў 2000 годзе перайменаваны ва Уральскі дзяржаўны тэхнічны ўніверсітэт — УПІ. 23 красавіка 2008 года УДТУ-УПІ было прысвоена імя яго выпускніка Барыса Ельцына.^[2]

Уральскі федэральны ўніверсітэт імя першага Прэзідэнта Расіі Б. М. Ельцына быў заснаваны па ўказе Прэзідэнта РФ Мядзведзева 21 кастрычніка 2009 года. У 2011 годзе УрФУ быў рэарганізаваны шляхам далучэння да яго Уральскага дзяржаўнага ўніверсітэта.^[3]

Структура

У сваім складзе ўніверсітэт мае наступныя структурныя адзінкі:^[4]

• Вышэйшая інжынерная школа
• Вышэйшая школа эканомікі і менеджменту
• Інстытут будаўніцтва і архітэктуры
• Інстытут дзяржаўнага кіравання і прадпрымальніцтва
• Інстытут новых матэрыялаў і тэхналогій
• Інстытут прыродазнаўчых навук і матэматыкі
• Інстытут радыёэлектронікі і інфармацыйных тэхналогій
• Інстытут тэхналогій адкрытай адукацыі
• Інстытут фізічнай культуры, спорту і маладзёжнай палітыкі
• Інстытут фундаментальнай адукацыі
• Навучальны ваенны цэнтр
• Спецыялізаваны вучэбна-навуковы цэнтр
• Уральскі гуманітарны інстытут
• Уральскі энергетычны інстытут
• Факультэт ваеннага навучання
• Фізіка-тэхналагічны інстытут
• Хіміка-тэхналагічны інстытут
• Цэнтр дадатковай прафесійнай адукацыі

Зноскі

1. Directory of Open Access Journals — 2003.

   <a href='https://wikidata.org/wiki/Track:Q1227538'></a>
2. Гісторыя УрФУ на афіцыйным сайце УрФУ
3. Указ аб аб’яднанні УрФУ і УрДУ
4. Склад універсітэта