Урачы свету за прадухіленне ядзернай вайны

Урачы свету за прадухіленне ядзернай вайны (УСПЯВ) (англ.: International Physicians for the Prevention of Nuclear War) — міжнародны рух работнікаў аховы здароўя, дзейнасць якога накіравана на прадухіленне ядзернага канфлікту і заахвочванне ядзернага раззбраення. Арганізацыя заснавана ў снежні 1980 года амерыканскім прафесарам кардыялогіі Гарвардскага інстытута грамадскага здароўя Бернардам Лаўнам і савецкім доктарам медыцынскіх навук, дырэктарам Усесаюзнага кардыялагічнага навуковага цэнтра АМН СССР Яўгенам Чазавым. За сваю дзейнасць у 1984 годзе арганізацыя адзначана прэміяй ЮНЕСКА, а ў 1985 годзе ўдастоена Нобелеўскай прэміі міру за заслугі ў інфармаванні грамадскасці і схіленне свядомасці чалавецтва на карысць міру. У сярэдзіне 1980-х гадоў колькасць членаў УСПЯВ налічвала каля 145 000 чалавек, а да пачатку 1990-х у рух уваходзіла ўжо каля 200 000 чалавек з больш за 60 краін свету. У 2007 годзе арганізацыяй была пачатая кампанія, накіраваная на знішчэнне ядзернай зброі.

Урачы свету за прадухіленне ядзернай вайны
Краіна	Германія
Адміністрацыйны цэнтр	Берлін
Тып арганізацыі	міжнародная недзяржаўная арганізацыя[d]
Заснаванне
Дата заснавання	1980
Член у	Attac Trägerverein e.V.[d][1] Forum Menschenrechte[d][2] Нарада няўрадавых арганізацый[d][3]
Узнагароды	Прэмія ЮНЕСКА за выхаванне для міру[d] (1984)
ippnw.org (англ.)
Медыяфайлы на Вікісховішчы

Зноскі

1. https://www.attac.de/was-ist-attac/strukturen/attac-netzwerk/mitgliedsorganisationen/ Праверана 13 красавіка 2019.
2. https://www.forum-menschenrechte.de/ueber-uns/mitglieder/ippnw-2/ Праверана 29 снежня 2020.
3. https://web.archive.org/web/20250208103320/https://ngocongo.org/member-organizations/ Праверана 8 лютага 2025.