Усевалад Міхайлавіч Увядзенскі

У Вікіпедыі ёсць артыкулы пра іншых людзей з прозвішчам Увядзенскі.

Усевалад Міхайлавіч Увядзенскі (17 кастрычніка 1920, г. Екацярынаслаў, Украіна — 29 студзеня 1979) — хімік, фармаколаг. Доктар фармацэўтычных навук (1972), кандыдат хімічных навук (1958), прафесар (1973). Удзельнік Вялікай Айчыннай вайны.

Усевалад Міхайлавіч Увядзенскі
Дата нараджэння	17 кастрычніка 1920(1920-10-17)
Месца нараджэння	Екацярынаслаў, Кацярынаслаўская губерня, УССР
Дата смерці	29 студзеня 1979(1979-01-29) (58 гадоў)
Месца працы	Чарнавіцкі нацыянальны ўніверсітэт імя Юрыя Фядзьковіча Нацыянальны лесатэхнічны ўніверсітэт Украіны Львоўскі нацыянальны медыцынскі ўніверсітэт імя Данілы Галіцкага ГрДМУ
Навуковая ступень	доктар фармацэўтычных навук[d] і кандыдат хімічных навук
Навуковае званне	прафесар
Альма-матар	Дніпроўскі нацыянальны ўніверсітэт імя Алеся Ганчара

Біяграфія

Скончыў Днепрапятроўскі дзяржаўны ўніверсітэт (хімічны факультэт, 1941).

Працаваў у Чарнавіцкім дзяржаўным універсітэце (1944—1946), Львоўскім лесатэхнічным інстытуце (1946—1959), Львоўскім дзяржаўным медыцынскім інстытуце (1959—1960), Львоўскім навукова-даследчым інстытуце пералівання крыві (1960—1961, загадчык лабараторыі сінтэзу фізіялагічна актыўных рэчываў), Гродзенскім дзяржаўным медыцынскім інстытуце (1961—1979, загадчык кафедры агульнай і біяарганічнай хіміі).

Навуковыя інтарэсы: фармацэўтычная хімія; сінтэзу новых вытворных барбітуратавай кіслаты.

Сям’я

• сын — Данііл Усеваладавіч Увядзенскі (нар. 1959) — урач-акушэр-гінеколаг, кандыдат медыцынскіх навук^[1]
• дачка Аляксандра Усеваладаўна Станкевіч, замужам за Пятром Барысавічам Станкевічам (нар. 1942) — фармаколагам, кандыдатам медыцынскіх навук^[1]