Усходні Таўр

Усходні Таўр, Армянскі Таўр — усходняя частка гор Таўр, у Турцыі. Працягласць каля 600 км. Вышыня да 3090 м (г. Нурухак).

Усходні Таўр
тур. Güneydoğu Toroslar
Вяршыня Дэмірказік
38°13′15″ пн. ш. 37°45′05″ у. д.HGЯO
Краіна	Турцыя
Горная сістэма	Армянскае нагор’е
Вышыня	3090 м

Уключае хрыбты Ахыр, Энгізек, Маладая, Эргані, Нурхак, Хачрэш. Складзены з метамарфічных вывергнутых і асадкавых парод (вапнякі, пясчанікі). Развіты карст. Горы прарэзаны цяснінамі рэк Джэйхан, Еўфрат, Тыгр.

На паўночных сухіх схілах і ў ніжнім поясе — паўпустыні, вышэй — горны стэп. На паўднёвых, больш вільготных схілах — зараснікі тыпу маквісу, вышэй — дубовыя паркавыя лясы, рэдкалессе з фісташніку і ядлоўцу, горны стэп і альпійскія лугі.

Па Бітліскім і Пазарджыкскім праходах пракладзены чыгункі і шаша.

Літаратура

• Армянскі Таўр // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).