Уцеўскі сельсавет

У́цеўскі сельсавет — адміністрацыйна-тэрытарыяльная адзінка ў складзе Добрушскага раёна Гомельскай вобласці Беларусі. Адміністрацыйны цэнтр — аграгарадок (да 2010 года вёска) Уць.

Уцеўскі сельсавет
Краіна	Беларусь
Уваходзіць у	Добрушскі раён
Уключае	7 населеных пунктаў
Адміністрацыйны цэнтр	Уць
Дата ўтварэння	8 снежня 1926
Насельніцтва (2019)	1 207
Часавы пояс	UTC+03:00
Код аўтам. нумароў	3
Афіцыйны сайт

Пасля другога ўзбуйнення БССР з 8 снежня 1926 года сельсавет у складзе Чырванабудскага раёна Гомельскай акругі БССР. З 4 жніўня 1927 года ў складзе Церахоўскага раёна. Пасля скасавання акруговай сістэмы 26 ліпеня 1930 года ў Церахоўскім раёне БССР, з 20 лютага 1938 года — Гомельскай вобласці. 26 мая 1960 года ў адміністрацыйнае падпарадкаванне Церахоўскага пассавета перададзены вёскі Высокі Хутар і Прудоўка^[1]. З 25 снежня 1962 года ў складзе Добрушскага раёна. 8 снежня 1966 года да сельсавета далучана частка скасаванага Гардуноўскага сельсавета (вёска Гардуны і пасёлак Іванполле)^[2]. На 1 студзеня 1974 года ў складзе Уцеўскага сельсавета 6 населеных пунктаў^[3]. 28 сакавіка 2023 года ў склад сельсавета з Церахоўскага сельсавета перададзены пасёлак Высокі Хутар^[4].

Насельніцтва сельсавета паводле перапісу 2009 года (6 населеных пунктаў) — 1498 чалавек^[5], з іх 95,5 % — беларусы, 3,0 % — рускія, 0,9 % — украінцы^[6]; паводле перапісу 2019 года (6 населеных пунктаў) — 1207 чалавек^[7].

Зноскі

1. Рашэнне выканкома Гомельскага абласнога Савета дэпутатаў працоўных ад 26 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
2. Рашэнне выканкома Гомельскага абласнога Савета дэпутатаў працоўных ад 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 82. — 248 с. — 10 000 экз.
4. Решение Гомельского областного Совета депутатов от 28 марта 2023 г. № 448 Об изменении административно-территориального устройства Добрушского района Гомельской области
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года