Уладзімір Пракопавіч Белавусаў

У Вікіпедыі ёсць артыкулы пра іншых людзей з прозвішчам Белавусаў.

Уладзі́мір Прако́павіч Белаву́саў (1 студзеня 1921, вёска Слабодка, Шумілінскі раён, Віцебская вобласць — 24 кастрычніка 2006) — беларускі савецкі кінамастак. Заслужаны дзеяч мастацтваў БССР (1973)^[1].

Уладзімір Пракопавіч Белавусаў
Дата нараджэння	1 студзеня 1921(1921-01-01)
Месца нараджэння	Слабодка, Полацкі павет, Віцебская губерня, РСФСР
Дата смерці	24 кастрычніка 2006(2006-10-24) (85 гадоў)
Грамадзянства	СССР  Беларусь
Адукацыя	Усерасійскі дзяржаўны ўніверсітэт кінематаграфіі імя С. А. Герасімава (1954)
Месца працы	Беларусьфільм
Прафесія	мастак кіно
Член у	Саюз мастакоў БССР
Прэміі
Узнагароды
IMDb	ID 0069455

Біяграфія

Нарадзіўся 1 студзеня 1921 года ў вёсцы Слабодка Віцебскай вобласці. Скончыў Усесаюзны дзяржаўны інстытут кінематаграфіі ў Маскве ў 1954 годзе. Удзельнічаў у мастацкіх выставах з 1952 года^[2].

Працаваў мастаком-пастаноўшчыкам на кінастудыі «Беларусьфільм» з 1954 да 1983 года^[2].

Член Беларускага саюза мастакоў з 1958 года^[2].

Памёр 24 кастрычніка 2006 года.

Творчасць

Аформіў мастацкія фільмы: «Палеская легенда», «Чырвонае лісце» (абодва з А. Грыгар’янцам), «Строгая жанчына», «Першыя выпрабаванні» (з Ю. Булычовым), «Рагаты бастыён», «Чужое імя», «Таму што кахаю», «Шлюбная ноч»; тэлефільмы «Побач з намі», «Руіны страляюць...», «Доўгія вёрсты вайны  (руск.)», «Лёгка быць добрым  (руск.)», «Антаніна Брагіна»^[1].

Сярод жывапісных работ: «На рацэ», «Рэйкавая вайна», «Апошнія дні вайны», «Беларускі пейзаж», «Возера Нарач»^[2].

Яго творы знаходзяцца ў Нацыянальным мастацкім музеі Беларусі, Музеі гісторыі беларускага кіно, Музеі сучаснага выяўленчага мастацтва ў Мінску і ў фондах БСМ^[2].

Званні і ўзнагароды

• Заслужаны дзеяч мастацтваў Беларусі (1973)^[2].
• Лаўрэат Дзяржаўнай прэміі Беларусі (1974)^[2] за тэлефільм «Руіны страляюць…»^[1].

Зноскі

1. Владимир Прокофьевич Белоусов // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 51. — 737 с.
2. Белавусаў Уладзімір Пракаповіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.