ФК Ювентус

«Юве́нтус» (таксама: Ювэ, ад лац.: iuventus — «юнацтва») — італьянскі футбольны клуб з Турына. З’яўляецца самым тытулаваным клубам Італіі па колькасці чэмпіёнстваў ва ўнутраным першынстве і перамог у Кубку Італіі. Клуб быў заснаваны ў 1897 годзе групоўкай маладых турынскіх студэнтаў^[3], сярод іх, быў і першы прэзідэнт клуба, Эўджэніа Канфары, і яго брат Энрыка, аўтар гістарычнай памяці^[4]; Клуб належыць сям’і бізнесменаў Аньелі з 1923 года, што з’яўляецца найстарэйшым спартыўным партнёрствам у Італіі, у выніку чаго «Ювентус» стаў першым прафесійным клубам у краіне^[5]. З часам клуб стаў сімвалам нацыянальнай культуры^[6][7], у сувязі з іхнымі поспехамі, некаторыя з якіх зрабілі значны ўплыў у італьянскім грамадстве, асабліва ў 1930-я гады і ў першыя пасляваенныя дзесяцігоддзі, ідэалагічнай палітыцы і сацыяльна-эканамічнаму паходжанню тых, хто спачувае клубу. Колькасць заўзятараў клуба з’яўляецца не толькі самай вялікай у Італіі, але і адной з найбуйнейшых у свеце. Падтрымка «Ювентуса» шырока распаўсюджана па ўсёй краіне і за мяжой, у асноўным у краінах са значнай прысутнасцю італьянскіх імігрантаў^[8].

Ювентус
Поўная назва	Акцыянернае таварыства футбольны клуб «Ювентус» (італ.: Juventus Football Club S.p.A.)
Мянушкі	Старая Сіньёра (італ.: Vecchia Signora) Чорна-белыя (італ.: Bianconeri) Зебры (італ.: Zebre)
Заснаваны	1 лістапада 1897
Горад	Турын, Італія
Стадыён	Ювентус Умяшчальнасць: 41 507
Уладальнік	Exor[d][1], Lindsell Train[d] і фінансавы рынак
Прэзідэнт	Джанлука Ферэра[d]
Галоўны трэнер	Ігар Тудар[d][2]
Чэмпіянат	Серыя A
2022/23	7 месца
Сайт	Афіцыйны сайт
Асноўная форма Гасцявая форма Рэзервовая форма

«Ювентус» гістарычна з’яўляецца самым паспяховым клубам у італьянскім футболе і адным з самых тытулаваных у свеце^[9]. «Ювентус» мае рэкордныя 36 нацыянальных чэмпіёнскіх тытулаў, рэкордныя 14 перамог у розыгрышах італьянскага кубка і 9 перамог у нацыянальным Суперкубку, а таксама адзінаццаць перамог у міжнародных спаборніцтвах. У адпаведнасці з рэйтынгам апублікаваным у 2009 годзе Міжнароднай федэрацыяй футбольнай гісторыі і статыстыкі, арганізацыі, што падначалена ФІФА, клуб, паводле вынікаў выступаў у міжнародных спаборніцтвах, быў прызнаны найлепшым клубам Італіі і другім клубам Еўропы XX стагоддзя^[10].

Дасягненні

• Чэмпіён Італіі (36): 1905, 1926, 1931, 1932, 1933, 1934, 1935, 1950, 1952, 1958, 1960, 1961, 1967, 1972, 1973, 1975, 1977, 1978, 1981, 1982, 1984, 1986, 1995, 1997, 1998, 2002, 2003, 2012, 2013, 2014, 2015, 2016, 2017, 2018, 2019, 2020
• Уладальнік Кубка Італіі (14): 1938, 1942, 1959, 1960, 1965, 1979, 1983, 1990, 1995, 2015, 2016, 2017, 2018, 2021
• Уладальнік Суперкубка Італіі (9): 1995, 1997, 2002, 2003, 2012, 2013, 2015, 2018, 2020
• Уладальнік Кубка чэмпіёнаў: 1985, 1996
• Уладальнік Кубка кубкаў: 1984
• Уладальнік Кубка УЕФА: 1977, 1990, 1993
• Уладальнік Суперкубка УЕФА: 1984, 1996
• Уладальнік Міжкантынентальнага кубка: 1985, 1996

Склад

Станам на люты 2024 года.

№ Паз. Імя Нар. 1 Бр Войцех Шчэнсны 1990 2 Аб Мація Дэ Шылья 1992 3 Аб Брэмір 1997 4 Аб Федэрыка Гаці 1998 5 ПА Мануэль Лакатэлі 1998 6 Аб Данілу (капітан) 1991 7 ПА Федэрыка К’еза 1997 9 Нап Душан Улахавіч 2000 10 ПА Поль Пагба 1993 11 ПА Філіп Косціч 1992 12 Аб Алекс Сандру 1991 14 Нап Аркадыюш Мілік 1994 15 Нап Кенан Йылдыз 2005 16 ПА Уэстан Мак-Кені 1998

№ Паз. Імя Нар. 17 ПА Сэмюэл Ілінг-Джуніяр 2003 18 Нап Мойзэ Кін 2000 20 ПА Фабіа Мірэці 2003 21 ПА Нікола Фальёлі 2001 22 Нап Цімаці Веа 2000 23 Бр Карла Пінсолья 1990 24 Аб Даніэле Ругані 1995 25 ПА Адрыен Раб’ё 1995 26 ПА Карлас Алькарас 2002 27 Аб Андрэа Камб’яза 2000 33 Аб Т’ягу Джало 2000 36 Бр Мація Перын 1992 41 ПА Ханс Нікалусі 2000 42 Бр Джавані Гарафані 2002

Фінансавыя махінацыі

20 студзеня 2023 года Федэральны апеляцыйны суд Італіі прыняў рашэнне пакараць «Ювентус» за фінансавыя махінацыі папярэдняга кіраўніцтва. Клуб быў пазбаўлены 15 ачкоў у сезоне Серыі A сезона 2022/2023. Былыя дырэктары турынскага клуба адхілены ад футбольнай дзейнасці: Андрэа Аньелі — на 2 гады, Маўрыцыа Арывабенэ — на 2 гады, Федэрыка Курубіні — на 1 год і 4 месяцы, Павел Недвед — на 8 месяцаў.^[11]