Поль Пагба

Поль Пагба (фр.: Paul Pogba; нар. 15 сакавіка 1993, Ланьі-сюр-Марн, Іль-дэ-Франс, Францыя) — французскі футбаліст, паўабаронца італьянскага клуба «Ювентус» і нацыянальнай зборнай Францыі. Пагба з’яўляецца ўніверсальным іграком, бо здольны згуляць як у напад, гэтак і ў абарону. У студзені 2014 года Поль быў уключаны ў спіс 10 самых таленавітых маладых ігракоў у Еўропе, паводле версіі газеты The Guardian^[4].

Поль Пагба
Агульная інфармацыя
Поўнае імя	Поль Лабіль Пагба
Мянушка	PogBoom
Нарадзіўся	15 сакавіка 1993(1993-03-15)[1][2][…] (32 гады) Ланьі-сюр-Марн[d], дэпартамент Сена і Марна, рэгіён Іль-дэ-Франс, Метраполія Францыі, Францыя
Грамадзянства	Францыя
Рост	191 см
Вага	84 кг[3]
Пазіцыя	паўабаронца
Інфармацыя пра клуб
Клуб	Ювентус
Нумар	8
Маладзёжныя клубы
1999—2006 Руасі-ан-Бры 2006—2007 Тарсі 2007—2009 Гаўр 2009—2011 Манчэстэр Юнайтэд
Клубная кар’ера[* 1]
2011—2012 Манчэстэр Юнайтэд 3 (0) 2012—2016 Ювентус 124 (28) 2016—2022 Манчэстэр Юнайтэд 154 (29) 2022— Ювентус
Нацыянальная зборная[* 2]
2008—2009 Францыя (да 16) 17 (1) 2010 Францыя (да 17) 10 (2) 2010—2011 Францыя (да 18) 6 (1) 2011—2012 Францыя (да 19) 12 (4) 2013 Францыя (да 20) 7 (2) 2013— Францыя 91 (11)
Узнагароды і медалі
Чэмпіянаты свету Золата Расія 2018 Чэмпіянаты Еўропы Срэбра Францыя 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 7 ліпеня 2022
Медыяфайлы на Вікісховішчы

Кар’ера

Поль пачаў сваю футбольную кар’еру ў 6 гадоў, гуляючы ў школе клубу «Руасі-ан-Бры». Пасля гэтага знаходзіўся ў структурах некалькіх французскіх клубаў, пакуль 6 кастрычніка 2009 года не перайшоў у акадэмію «Манчэстэр Юнайтэд», дзе спачатку гуляў за моладзевыя каманды клубу.

19 лютага 2011 года Пагба і тры іншыя ігракі клубнай акадэміі былі заяўлены галоўным трэнерам «Манчэстэр Юнайтэд» сэрам Алексам Фергюсанам у асноўны склад перад гульнёй 5-га раўнда Кубка Англіі супраць «Кроўлі Таўн». Аднак дэбют іграка ў асноўнай камандзе «Манчэстэр Юнайтэд», прычым з першых хвілін, адбыўся 20 верасня 2011 года ў матчы Кубка Футбольнай лігі супраць «Лідс Юнайтэд». У лізе дэбют іграка прыпаў на матч супраць «Сток Сіці» 31 студзеня 2012 года. Аднак у ліпені 2012 года кантракт з іграком скончыўся, клуб не меў жадання яго падаўжаць.

«Ювентус»

27 ліпеня 2012 года Поль прайшоў медыцынскае абследаванне ў «Ювентусе», а 3 жніўня Пагба падпісаў з «Ювэ» чатырохгадовы кантракт. Ужо 1 жніўня француз дэбютаваў за новы клуб у таварыскім матчы супраць «Бенфікі», замяніўшы на 78-й хвіліне Андрэа Пірла. У афіцыйных матчах за «Ювентус» Поль дэбютаваў у Серыі A матчам супраць «К’ева».

Вяртанне ў «Манчэстэр Юнайтэд»

8 жніўня 2016 года Пагба вярнуўся ў «Манчэстэр Юнайтэд», падпісаўшы пяцігадовы кантракт. Сума трансферу склала 105 млн еўра, што зрабіла яго найдаражэйшым у гісторыі футбола, пераўзышоўшы трансфер Гарэта Бэйла ў мадрыдскі «Рэал».

У чэрвені 2022 года манчэстэрскі клуб абвясціў аб сыходзе Пагба па заканчэнні кантракта^[5].

Вяртанне ў «Ювентус»

У ліпені 2022 года вярнуўся ў «Ювентус», падпісаўшы ў якасці свабоднага агента чатырохгадовы кантракт^[6].

Міжнародная кар’ера

На міжнароднай арэне Пагба з 2008 года прадстаўляе зборную Францыі ў розных узроставых зборных. 22 сакавіка 2013 года дэбютаваў у складзе зборнай Францыі, у матчы адбору да чэмпіянату свету 2014 супраць зборнай Грузіі, матч скончыўся на карысць французаў 3:1. 10 верасня 2013 года забіў свой першы мяч за зборную ў матчы супраць зборнай Беларусі ў Гомелі на стадыёне «Цэнтральны», матч скончыўся з лікам 2:4.

Дасягненні

«Ювентус»:

• Чэмпіён Італіі (4): 2013, 2014, 2015, 2016
• Уладальнік Кубка Італіі (2): 2015, 2016
• Уладальнік Суперкубка Італіі (2): 2013, 2015

«Манчэстэр Юнайтэд»:

• Уладальнік Кубка Футбольнай лігі: 2017
• Пераможца Лігі Еўропы: 2017

Францыя:

• Чэмпіён свету: 2018
• Пераможца Лігі нацый УЕФА: 2021