Фенхель

Фенхель^[1] (Foeniculum) — род кветкавых раслін сямейства парасонавыя (Apiaceae).

Фенхель
Фенхель звычайны (Foeniculum vulgare). Агульны выгляд расліны.
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Род:  Фенхель
Міжнародная навуковая назва
Foeniculum Mill., 1754
Тыпавы від
Foeniculum vulgare Mill., 1754 — Фенхель звычайны
Сістэматыка на Віківідах Выявы на Вікісховішчы ITIS   29508 NCBI   325709 EOL   71412 GRIN   g:4716 IPNI   40005

Батанічнае апісанне

Фенхель звычайны (Foeniculum vulgare). Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Двух- і шматгадовыя травяністыя расліны з тоўстымі стрыжнёвымі каранямі. Галінастыя сцёблы вышынёй да 2 м, гладкія, акруглыя з сіняватым налётам. Цёмна-зялёнае лісце яйцападобна-трохвугольнае, 3 — 4-перыстарассечанае. Кветкі дробныя, жоўтыя, сабраныя ў складаны плоскі парасонік. Плод — двухсямянка.

Арэал

Існуе 2 віды. Пашыраны ў Еўразіі і Паўночнай Афрыцы. З'яўляецца старажытнай культурай Егіпта і Кітая, у Расіі — з пачатку 20 стагоддзя. На Беларусі культывуецца фенхель звычайны, ці аптэчны кроп (Foeniculum vulgare).

Ужыванне

Мае 2-6 % эфірнага алею, які выкарыстоўваецца ў харчовай прамысловасці, медыцыне, парфумерыі. Лісце і насенне ўжываюцца як прыправа, макуха (мае да 20 % бялку) ідзе на корм жывёле.

Лекавыя, харчовыя, тэхнічныя і кармавыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 54. — 160 с. — 2 350 экз.