Франчэска Цукарэлі

Франчэска Цукарэлі (італ.: Francesco Zuccarelli; 15 жніўня 1702 — 30 снежня 1788) — італьянскі мастак.

Франчэска Цукарэлі
Дата нараджэння	15 жніўня 1702(1702-08-15)[1][2][…]
Месца нараджэння	Піцільяна, правінцыя Грасета, Таскана, Італія[1]
Дата смерці	30 снежня 1788(1788-12-30)[1][2][…] (86 гадоў) ці 30 кастрычніка 1788(1788-10-30)[3] (86 гадоў)
Месца смерці	Фларэнцыя, Вялікае герцагства Тасканскае, Італія
Грамадзянства	Вялікае герцагства Тасканскае
Род дзейнасці	мастак, мастак-гравёр, рысавальнік
Жанр	пейзаж[1]
Мастацкі кірунак	ракако[1]
Уплыў	Giovanni Maria Morandi[d]
Член у	Каралеўская акадэмія мастацтваў[1] Акадэмія прыгожых мастацтваў[d]
Медыяфайлы на Вікісховішчы

Біяграфія

Родам з паўднёвай Тасканы. Быў вучнем спачатку Паала Анезі ў Фларэнцыі, а потым Джавані-Марыя Марандзі і П’етра Нэлі ў Рыме, меў намер прысвяціць сябе гістарычнаму жывапісу ў духу Клода Ларэна, але, выпадкова ўзяўшыся за пейзаж, убачыў у ім сваё сапраўднае пакліканне і зрабіў яго сваёй спецыяльнасцю. На наступным этапе, ужо ў Венецыі, Цукарэлі пачаў схіляцца да пастаральнага жывапісу ў стылі Джузэпэ Дзаіса. Хоць Цукарэлі і нарадзіўся ў Таскане, ён належыць да венецыянскай школы, бо працаваў усё жыццё ў Венецыі. У свае працы Цукарэлі ўстаўляў маленькую выяву гарбуза ў якасці своеасаблівага подпісу-віньеткі; яго прозвішча літаральна перакладаецца з італьянскай мовы як «гарбузовы» у значэнні: «галава гарбузовай формы».

Працаваў спачатку ў Рыме, затым у Венецыі, дзе яго апекаваў англійскі консул Сміт. Менавіта ён даў яму магчымасць наведаць Англію. У першай палове XVIII стагоддзя Франчэска Цукарэлі здзейсніў паездку ў Лондан, дзе карціны мастака пачалі карыстацца вялікім поспехам.

Па вяртанні ў Венецыю, ён працягваў пісаць пейзажы, прадаючы многія з іх у Вену і Дрэздэн.

Пры другой паездцы ў Англію ён затрымаўся там больш 20 гадоў, працаваў з 1752 па 1773 год, стаўшы ў 1768 годзе адным з заснавальнікаў Каралеўскай Акадэміі мастацтваў.

Зноскі

1. Zuccarelli, Francesco // The Oxford Dictionary of Art and Artists — 4 — Выдавецтва Оксфардскага ўніверсітэта, 2009. — ISBN 978-0-19-953294-0

   <a href='https://wikidata.org/wiki/Track:Q21889539'></a><a href='https://wikidata.org/wiki/Track:Q217595'></a>
2. Francesco Zuccarelli

   <a href='https://wikidata.org/wiki/Track:Q17299517'></a>
3. The Fine Art Archive — 2003. Праверана 1 красавіка 2021.

   <a href='https://wikidata.org/wiki/Track:Q10855166'></a>