Фёдар Аляксеевіч Баранаў

У Вікіпедыі ёсць артыкулы пра іншых людзей з прозвішчам Баранаў.

Фё́дар Аляксе́евіч Бара́наў (9 студзеня 1905, г. Пецярбург — 15 сакавіка 1982) — адзін з арганізатараў і кіраўнікоў камуністычнага падполля і партызанскага руху на тэрыторыі Баранавіцкай вобласці ў гады Вялікай Айчыннай вайны^[1].

Фёдар Аляксеевіч Баранаў
Дата нараджэння	9 студзеня 1905(1905-01-09)
Месца нараджэння	Санкт-Пецярбург, Расійская імперыя
Дата смерці	15 сакавіка 1982(1982-03-15) (77 гадоў)
Грамадзянства	СССР
Прыналежнасць
Род войскаў	Флот
Камандаваў	Баранавіцкае партызанскае злучэнне паўднёвай зоны
Бітвы/войны	Вялікая Айчынная вайна
Узнагароды і званні

Біяграфія

З 1931 года на партыйнай рабоце ў Ленінградзе.

З 1940 года сакратар Баранавіцкага абкама КП(б)Б, у 1942—1943 гады упаўнаважаны ЦК УКП(б) па ўводу энергамагутнасцяў Урала. З жніўня 1943 года сакратар Баранавіцкага падпольнага абкама КП(б)Б, камандзір Баранавіцкага партызанскага злучэння паўднёвай зоны.

З ліпеня 1944 года сакратар Баранавіцкага, з канца 1944 года 1-ы сакратар Бабруйскага, Гродзенскага абкамаў КПБ.

З 1958 года старшыня Камісіі савецкага кантролю, пазней камісіі пры ЦК КПБ у 1963—1974 гады.

Член ЦК КПБ у 1949—1952 і 1954—1966 гадах. Дэпутат Вярхоўнага Савета СССР у 1954—1962 гадах, Вярхоўнага Савета БССР у 1947—1959 гадах^[1].

Зноскі

1. Баранов Фёдор Алексеевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 40. — 737 с.