Фёдар Апанасавіч Бачыла

У Вікіпедыі ёсць артыкулы пра іншых людзей з прозвішчам Бачыла.

Фёдар Апанасавіч Бачы́ла^[2], або Хведар Бачыла (21 студзеня 1924, в. Бардзілаўка, Мінскі раён — 25 лістапада 1992^[2]) — удзельнік партызанскага руху на тэрыторыі Мінскай вобласці ў гады Вялікай Айчыннай вайны, кіраўнік дыверсійнай групы, якая падарвала 28 варожых эшалонаў. Журналіст^[2]. Заслужаны работнік культуры БССР (1974)^[3][2].

Фёдар Апанасавіч Бачыла
Род дзейнасці	журналіст, партызан
Дата нараджэння	21 студзеня 1924(1924-01-21)
Месца нараджэння	Бардзілаўка, Міханавіцкі сельсавет, Мінскі раён, Беларусь[1]
Дата смерці	25 лістапада 1992(1992-11-25)[1] (68 гадоў)
Грамадзянства	СССР  Беларусь
Месца працы	Чырвоная змена
Альма-матар	Рэспубліканская партыйная школа пры ЦК КП(б)Б
Бітвы/войны	Вялікая Айчынная вайна
Узнагароды і прэміі

З ліпеня 1941 года — сувязны Мінскага камуністычнага падполля, партызанскага атрада імя Варашылава, са жніўня 1943 года камандзір дыверсійнай групы партызанскага атрада імя Лазо 3-й мінскай брыгады імя Будзёнага. У 1945—1946 гадах — камсорг ЦК УЛКСМ. Скончыў Рэспубліканскую партыйную школу пры ЦК КП(б)Б (1948). З 1949 года — у рэдакцыі газеты «Чырвоная змена»^[3].

Аўтар кнігі «Застаюся жыць» (1981)^[3][2].