Філіпенскае

Філі́пенскае, Філіпенкі — возера ў Шумілінскім раёне Віцебскай вобласці, у басейне ракі Шэвінка, за 9 км у напрамку на паўночны ўсход ад гарадскога пасёлка Шуміліна, каля вёскі Філіпенкі.

Філіпенскае
Морфаметрыя
Даўжыня	1,18 км
Шырыня	0,17 км
Плошча	0,18 км²
Даўжыня берагавой лініі	2,52 км
Басейн
Плошча вадазбору	23,2 км²
Упадаюць	ручай
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Філіпенскае
Філіпенскае

Плошча паверхні 0,18 км². Даўжыня 1,18 км, найбольшая шырыня 0,17 км, даўжыня берагавой лініі 2,52 км. Плошча вадазбору 23,2 км².
Катлавіна возера лагчыннага тыпу, выцягнутая ў напрамку з паўночнага захаду на паўднёвы ўсход. Схілы катлавіны спадзістыя, вышынёй да 5 м. Берагавая лінія слабазвілістая. Берагі пясчаныя.
У Філіпенскае ўпадае ручай з возера Зачорнае і выцякае ручай у возера Грабніцкае.

Літаратура

• Энцыклапедыя прыроды Беларусі. У 5-і т. Т.5. Стаўраструм — Яшчур / Рэдкал.: І. П. Шамякін (гал. рэд.) і інш. — Мн.: БелСЭ, 1986. — Т. 5. — С. 206. — 583 с. — 10 000 экз.

Спасылкі

• Иванов-Смоленский В. Г. Все озёра Беларуси. Популярная иллюстрированная энциклопедия. Т. 5. (руск.)
• Ліст карты N-35-24. выданне 1980 г. Адпавядае стану мясцовасці на 1979 г. Архівавана 1 мая 2013. (руск.)