Фіней

Фіней (стар.-грэч.: Φινεύς) — асоба старажытнагрэчаскай міфалогіі, цар Фракіі^[1], сын цара Ціра Агенора^[2], брат Кадма^[3], альбо сын Фенікса і брат Еўропы^[3].

Фіней
Міфалогія	старажытнагрэчаская міфалогія
Мясцовасць	Фракія
Пол	мужчынскі пол
Бацька	Агенор
Маці	Тэлефаса
Жонка	Idaea[d] і Клеапатра
Дзеці	Harpyreia[d], Eraseia[d], Pandion[d], Plexippus[d], Crambis[d] і Olizona[d]
Звязаныя падзеі	Паход Арганаўтаў
Медыяфайлы на Вікісховішчы

Паводле Сервіса Граматыка^[en] — уладар Пафлагоніі^[4].

Атрымаў ад Апалона дар прадказання, але за раскрыццё таямніц багоў быў асляплены Зеўсам, Пасейдонам ці Барэем. Па падказцы жонкі Ідэі, ён асляпіў сваіх сыноў ад першага шлюбу ад Клеапатры і кінуў іх дзікім звярам. За гэта багі пакаралі яго, і кожны раз, як толькі Фіней сядаў за стол паесці, прыляталі гарпіі, якія раскрадалі і апаганьвалі ежу.

Арганаўты, асабліва сыны Барэя Зэт і Калаід, вызвалілі Фінея, за што ён паказаў ім марскі шлях. Па іншай версіі, Фіней груба сустрэў арганаўтаў і быў забіты Гераклам.

Памылкова згадваецца як цар Аркадыі^[5].