Фама Сільвестравіч Варанецкі

Фама́ Сільве́стравіч Варане́цкі (нар. 23 сакавіка 1938, в. Траскоўшчына, Менскі раён — 29 лістапада 2022) — беларускі акцёр, педагог. Заслужаны артыст Беларусі (1990).  

Фама Сільвестравіч Варанецкі
Партрэт Фамы Варанецкага пэндзля Аляксея Кузьміча. 1976 год, палатно, алей.
Дата нараджэння	23 сакавіка 1938(1938-03-23)
Месца нараджэння	Траскоўшчына, Менскі раён, Менская вобласць, Беларуская ССР, СССР
Дата смерці	29 лістапада 2022(2022-11-29) (84 гады)
Грамадзянства	СССР  Беларусь
Адукацыя	Беларуская дзяржаўная акадэмія мастацтваў
Прафесія	акцёр, тэатральны педагог
Тэатр	Нацыянальны акадэмічны драматычны тэатр імя Якуба Коласа Нацыянальны акадэмічны тэатр імя Янкі Купалы Беларуская дзяржаўная акадэмія мастацтваў
Узнагароды
IMDb	ID 1302997

У Вікіпедыі ёсць артыкулы пра іншых людзей з прозвішчам Варанецкі.

Біяграфія

Нарадзіўся 23 сакавіка 1938 года.

У 1961 годзе скончыў Беларускі тэатральна-мастацкі інстытут. Працаваў у Беларускім тэатры імя Якуба Коласа. З 1971 года — акцёр Тэатра імя Янкі Купалы. З 1990 года выкладаў у Беларускай акадэміі мастацтваў, прафесар.

Памёр 29 лістапада 2022 года^[1].

Творчасць

Напачатку выконваў ролі герояў, потым пераважна характарныя. Сярод лепшых роляў у тэатры імя Якуба Коласа: Раскольнікаў («Злачынства і кара» паводле Фёдара Дастаеўскага), Леанідзік («Мой бедны Марат» Аляксея Арбузава), Віктар («Варшаўская мелодыя» Леанід Зорына); у тэатры імя Я. Купалы: Салянік («Радавыя» Аляксея Дударава), Паніч («Раскіданае гняздо» Янкі Купалы), Жабрак («Страсці па Аўдзею» Уладзіміра Бутрамеева), Настаўнік («Безыменная зорка» Міхаіла Себасцьяна), Клеон («…Забыць Герастрата!» Рыгора Горына).

Зноскі

1. Пайшоў з жыцця акцёр Купалаўскага тэатра Фама Варанецкі  (бел.). reform.by (30 лістапада 2022).