Хведар Чэрня

Хведар Чэрня (Фёдар Мікалаевіч Чэрня; 10 чэрвеня 1939, вёска Лінкі, Валожынскі раён, Мінская вобласць — 16 сакавіка 1983) — беларускі паэт.

Хведар Чэрня
Асабістыя звесткі
Дата нараджэння	10 чэрвеня 1939(1939-06-10)
Месца нараджэння	Лінкі, Беларусь
Дата смерці	16 сакавіка 1983(1983-03-16) (43 гады)
Грамадзянства	Беларусь
Альма-матар	філалагічны факультэт БДУ (1966) Мінская вышэйшая партыйная школа пры ЦК КПБ (1969)
Месца працы	Першы Нацыянальны канал Беларускага радыё Беларусь Мастацкая літаратура
Прафесійная дзейнасць
Род дзейнасці	паэт, рэдактар

Біяграфія

Нарадзіўся ў сялянскай сям’і. Пасля заканчэння Вішнеўскай сярэдняй школы (1957) працаваў загадчыкам Вішнеўскага сельскага клуба. Вучыўся ў тэхнічнай навучальні № 9 пры Мінскім аўтазаводзе і працаваў фармоўшчыкам-ліцейшчыкам (1958). Служыў у Савецкай Арміі (1959—1961). Скончыў філалагічны факультэт Беларускага дзяржаўнага ўніверсітэта (1966) і Мінскую вышэйшую партыйную школу пры ЦК КПБ (1969). Працаваў рэдактарам на Беларускім радыё (1966—1967), у выдавецтве «Беларусь» (1969—1971). У 1972—1983 гг. — старшы рэдактар выдавецтва «Мастацкая літаратура».

Творчасць

Выступаць у друку пачаў у 1955 г. Выйшлі зборнікі паэзіі «Добрай раніцы, людзі!» (1966), «Дабрэе свет» (вершы і паэма, 1968), «Размова з памяццю» (паэма, 1970), «Сады юнацтва» (вершы і паэмы, 1972), «Настрой» (19741, «Ваколіца» (1976), «Ажаніся, не журыся…» (гумарыстычныя вершы, 1979), «Святло рамонкаў» (1981), «На скрыжаваннях памяці» (вершы і паэмы, 1982), «Музыка дарог» (1984), кніжкі для дзяцей «Песня Сабіны» (паэма, 1971), «На сонечнай вуліцы» (1973).

Яго творам уласцівы філасофскае асэнсаванне ўзаемаадносін чалавека з часам, высокая грамадзянскасць, аптымізм^[1].

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). С. 333