Хвіча Кварацхелія

Хвіча Кварацхелія (груз. ხვიჩა კვარაცხელია; нар. 12 лютага 2001, Тбілісі, Грузія) — грузінскі футбаліст. Уінгер зборнай Грузіі і французскага футбольнага клуба «Пары Сен-Жэрмен». Удзельнік чэмпіянату Еўропы 2024 года.

Хвіча Кварацхелія
Агульная інфармацыя
Нарадзіўся	12 лютага 2001(2001-02-12)[1][2] (24 гады) Тбілісі, Грузія
Грамадзянства	Грузія
Рост	1,83 м
Вага	70 кг
Пазіцыя	нападаючы, паўабаронца
Клубная кар’ера[* 1]
2025— Пары Сен-Жэрмен 14 (4)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

Кар'ера

Футболам пачаў займацца з шасці гадоў. Старт прафесійнай кар'еры адбыўся ў 2017 годзе ў тбіліскім «Дынама». Дэбютаваў за зборную Грузіі 7 чэрвеня 2019 года ў матчы супраць зборнай Гібралтара^[3].

15 февраля 2019 года перайшоў у маскоўскі «Лакаматыў»^[4]. 6 ліпеня 2019 года падпісаў пяцігадовы кантракт з казанскім «Рубінам»^[5]. У пачатку 2021 года выданне L'Equipe занесла яго спіс 50 найлепшых футбалістаў, якія нарадзіліся ў XXI стагоддзі^[6].

Пасля ўварвання Расіі ва Украіну з дазволу ФІФА скасаваў кантракт з «Рубінам»^[7] і далучыўся да «Дынама» Батумі^[8].

1 ліпеня 2022 года стаў гульцом італьянскага клуба «Напалі»^[9].

17 студзеня 2025 года падпісаў кантракт з «Пары Сен-Жэрмен» на тэрмін да 2029 года. Кварацхелія стаў першым грузінскім гульцом у гісторыі клуба^[10].

Сям'я

Бацька Хвічы Кварацхеліі Бадры — былы нападаючы тбіліскага «Дынама», выступаў за розныя грузінскія і азербайджанскія футбольныя клубы, а потым быў трэнерам^[11].

Хвіча Кварацхелія жанаты, мае сына^[12].