Хенатэка зеленаватая

Хенатэка зеленаватая ці Хенатэка картузіянская (Chaenotheca chlorella) — від лішайнікаў рода Хенатэка сямейства Coniocybaceae.

Хенатэка зеленаватая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Парадак:  Caliciales Сямейства:  Coniocybaceae Род:  Хенатэка Від:  Хенатэка зеленаватая
Міжнародная навуковая назва
Chaenotheca chlorella (Ach.) Mull.Arg., 1862
Сінонімы
Calicium carthusiae Harm., 1905 Calicium chlorellum Ach., 1803 Chaenotheca carthusiae (Harm.) Lettau, 1912 Cyphelium chlorellum (Ach.) A.Massal., 1853 Phacotium chlorellum (Ach.) Poetsch, 1872
Сістэматыка на Віківідах Выявы на Вікісховішчы NCBI   164587 EOL   1007721 MB   382484

Апісанне

Слаявіна лепрозная (парашкападобная), зярністая або бародаўчатая, зеленавата- або шызавата-шэрая. Апатэцыі на чорных ці карычнявата-чорных ножках (даўжынёй 0,8-1,0 мм і таўшчынёй 0,09 мм), пакрытых густым бледна-залацістым або зелянява-жоўтым налётам. Галоўкі чорныя, круглыя, з залаціста-зялёным налётам, дыяметрам 0,2 мм^[1].

Пашырэнне

Сярэдняя і Атлантычная Еўропа, Амерыка, Новая Зямля і Аўстралія. У Беларусі сустракаецца ў Брэсцкай (Камянецкі, Пінскі і Пружанскі раёны), Віцебскай (Расонскі і Лепельскі раёны), Гомельскай (Жыткавіцкі і Нараўлянскі р-ны), Гродзенскай (Свіслацкі раён) і Мінскай (Мядзельскі раён) Абласцях^[1].

Ахоўваецца ў Беларусі, Літве і Польшчы^[1].