Церахоўка (Слаўгарадскі раён)

У паняцця ёсць і іншыя значэнні, гл. Церахоўка.

Церахо́ўка^[2] (трансліт.: Cierachoŭka, руск.: Тереховка) — вёска ў Слаўгарадскім раёне Магілёўскай вобласці, у 20 км ад Слаўгарада. Уваходзіць у склад Свенскага сельсавета. Насельніцтва 105 чалавек у 55 дварах^[1]. Побач з вёскай пачынаецца рака Пацэя.

Вёска Церахоўка Краіна Беларусь Вобласць Магілёўская Раён Слаўгарадскі Сельсавет Свенскі Каардынаты 53°20′01″ пн. ш. 30°54′10″ у. д.HGЯO Першая згадка 1884 Вышыня цэнтра 142 м Водныя аб’екты Пацэя Колькасць двароў 55[1] Насельніцтва 105[1] чалавек (2011) Часавы пояс UTC+3 Тэлефонны код +375 2246 Паштовы індэкс 213241 Аўтамабільны код 6 Церахоўка Церахоўка

Да 23 снежня 2009 года вёска ўваходзіла ў склад Васькавіцкага сельсавета^[3].

Назва

Назва паселішча паходзіць ад імя Церах. Паводле падання, вёска атрымала назву ад імя панскага арандатара (рандаціля), які арандаваў у пана зямлю з вёскай.

Гісторыя

У 1884 у Бычанскай воласці Быхаўскага павета, 65 двароў, у тым ліку 1 кавальскі, 261 жыхар, жыхары 3 двароў у адыходніцтве, хлебазапасны магазін. У 1910 належала Церахоўскаму сельскаму таварыству, 95 двароў, 672 жыхары. Адносілася да Гайшынскага праваслаўнага прыхода. У 1912 існавала аднакласная царкоўна-прыходская школа. У 1926 — 825 жыхароў. У 1961 у складзе Гайшынскага сельсавета^[4].

Насельніцтва

• 2010 год — 108 чалавек
• 2007 год — 61 двор, 124 чалавекі^[5]
• 1999 год — 154 чалавекі
• 1926 год — 825 чалавек^[4]

Выбітныя асобы

• Іван Мікалаевіч Ламачэнка — расійскі хірург і вкладчык, доктар медыцынскіх навук^[6][7]

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
3. «Об изменении административно-территориального устройства некоторых административно-территориальных единиц Могилевской области». Решение Могилевского областного Совета депутатов от 23 декабря 2009 г. № 17-16 Архівавана 24 лістапада 2015. (руск.)
4. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 584.
5. Гарады і вёскі Беларусі: Энцыклапедыя. Т. 7, кн. 3. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 544 с.: іл. — 2 000 экз. — ISBN 978-985-11-0452-5.С. 174
6. Ламачэнка Іван Мікалаевіч Архівавана 26 жніўня 2018.
7. Ломаченко Иван Николаевич (руск.)