Цырыл Кола

Цы́рыл Ко́ла (в.-луж.: Cyril Kola, 18 ліпеня 1927, Радвар, Лужыца, Германія) — лужыцкі пісьменнік, перакладчык, драматург, літаратурны крытык і публіцыст. Галоўны рэдактар сербалужыцкага культурна-палітычнага і літаратурнага часопіса «Rozhlad».

Цырыл Кола
Асабістыя звесткі
Дата нараджэння	18 ліпеня 1927(1927-07-18) (98 гадоў)
Месца нараджэння	Радзібор[d], раён Баўтцэн, Саксонія, Германскі рэйх
Грамадзянства	ГДР
Месца працы	Домавіна (выдавецтва)
Прафесійная дзейнасць
Род дзейнасці	пісьменнік, літаратурны крытык
Мова твораў	верхнялужыцкая
Узнагароды	прэмія імя Якуба Чышынскага

Біяграфія

Нарадзіўся 18 ліпеня 1927 года ў горадзе Радвар ў сялянскай сям’і. З 1934 па 1942 год навучаўся ў народнай школе. З 1942 года працаваў маляром у Будзішыне. З 1946 года па 1948 год працаваў у Паўночнай Чэхіі ў Варнсдорфе. У 1948 годзе вярнуўся ў Будзішын, дзе Мерчын Новак-Нехарньскі прыняў рэдактарам навін у сербалужыцкую газету «Nowa Doba» (сёння — «Serbske Nowiny»). У 1964 годзе быў сакратаром Будзішынскага аддзялення культурна-асветніцкай арганізацыі «Домавіна». У 1965—1966 гадах быў драматургам Дзяржаўнага сербалужыцкга ансамбля народнай культуры. З 1967 года быў рэдакцыйным сакратаром газеты «Nowa Doba»). У 1968 годзе скончыў завочна студыю навін культуры ўніверсітэта імя Карла Маркса ў Лейпцыгу. У 1968 годзе зняў дакументальны фільм «Twoja, naša Domowina». З 1970 года па 1991 год быў галоўным рэдактарам грамадска-палітычнага і літаратурнага сербалужыцкага часопіса «Rozhlad». У 1991 годзе выйшаў на пенсію і працаваў пазаштатным аўтарам. Публікаваў сваю публіцыстыку ў сербалужыцкай газеце «Serbske Nowiny».

Сачыненні

Проза

• Róža (1963);
• Puće z daliny (1988).

Драматургія

Напісаў драмы «Kwas budźe» (1962), «Wopyt pola přiwuznych» (1972) і «Chěžka na wsy na předań» (1979).

Перакладаў на верхнялужыцкую мову творы розных аўтараў.

Узнагароды

• Літаратурная прэмія імя Якуба Чышынскага (1962);
• Літаратурная прэмія «Домавіны» (1973 і 1977);
• Ордэн «За заслугі перад Айчынай» (1974).

Зноскі