Цімафей Сазонавіч Гарбуноў

У Вікіпедыі ёсць артыкулы пра іншых людзей з прозвішчам Гарбуноў.

Цімафе́й Сазо́навіч Гарбуно́ў (6 жніўня 1904, в. Саннікі, Лепельскі павет, Віцебская губерня — 8 кастрычніка 1969, Мінск) — партыйны і дзяржаўны дзеяч БССР, гісторык, акадэмік АН БССР (1959)^[3].

Цімафей Сазонавіч Гарбуноў
5-ы Старшыня Вярхоўнага Савета БССР 28 сакавіка 1955 — 28 сакавіка 1963
Папярэднік	Іосіф Бельскі
Пераемнік	Васіль Шавура
Нараджэнне	6 жніўня 1904(1904-08-06) Саннікі, Лепельскі павет, Віцебская губерня, Расійская імперыя
Смерць	8 кастрычніка 1969(1969-10-08) (65 гадоў) Мінск, Беларуская ССР, СССР
Месца пахавання	Усходнія могілкі
Партыя	КПСС
Адукацыя	БДУ Акадэмія грамадскіх навук пры ЦК КПСС (1948)
Дзейнасць	палітычная дзейнасць[d][1] і гісторыя[2]
Месца працы	Белдзяржвыдавецтва Звязда Славяне[d] Усесаюзнае таварыства «Веды»[d] Наука и жизнь[d]
Узнагароды

Біяграфія

Нарадзіўся 6 жніўня 1904 года ў в. Саннікі Лепельскага павета Віцебскай губерні (цяпер — Бешанковіцкі раён Віцебскай вобласці).

У 1919—1924 гадах працаваў на лесапільні, ільнопрадзільнай фабрыцы «Дзвіна» ў Віцебску.

Скончыў БДУ ў 1936 годзе^[3].

З 1937 года — галоўны рэдактар Дзяржаўнага выдавецтва БССР, з 1939 года — рэдактар газеты «Звязда».

У 1948 годзе скончыў Акадэмію грамадскіх навук пры ЦК УКП(б)^[3].

У 1941—1947 гадах і 1950—1960 гадах — сакратар ЦК КПБ.

У Вялікую Айчынную вайну на палітрабоце ў Чырвонай Арміі, адзін з арганізатараў партызанскага руху на Беларусі.

У 1942—1945 гадах — рэдактар часопіса «Славяне  (руск.)», у 1949—1950 гадах — намеснік старшыні праўлення Усесаюзнага таварыства па распаўсюджванні палітычных і навуковых ведаў  (руск.), рэдактар часопіса «Наука и жизнь  (руск.)»^[3].

У 1960—1967 гадах — акадэмік-сакратар Аддзялення грамадскіх навук АН БССР^[3].

Памёр 8 кастрычніка 1969 года ў Мінску. Пахаваны ў Мінску на Усходніх могілках.

Навуковая дзейнасць

Асноўныя працы па гісторыі ўтварэння БССР, уз’яднання беларускага народаў адзінай Савецкай сацыялістычнай дзяржаве, аб першых сацыялістычных пераўтварэннях у рэспубліцы^[3]

Бібліяграфія

• Освобождённая Западная Белоруссия. — М., 1940;
• Героическое прошлое белорусского народа. — Мн., 1945;
• Образование Белорусской Советской Социалистической республики. — М., 1949;
• Уз’яднанне беларускага народа ў адзінай Савецкай сацыялістычнай дзяржаве. — 2 выд. — Мн., 1952;
• Народы братья: О связях белорусского народа с народами Прибалтики. — Мн., 1961;
• В. И. Ленин — создатель белорусского Советского социалистического государства. — Мн., 1962

Грамадская і дзяржаўная дзейнасць

Дэпутат Вярхоўнага Савета СССР у 1946—1962 гадах, дэпутат Вярхоўнага Савета БССР у 1947—1967 гадах^[3]. У 1955—1963 гадах — старшыня Вярхоўнага Савета БССР^[3].

Узнагароды

Узнагароджаны ордэнам Леніна, іншымі ордэнамі і медалямі.

Зноскі

1. Národní autority České republiky Праверана 22 чэрвеня 2023.

   <a href='https://wikidata.org/wiki/Track:Q13550863'></a>
2. Národní autority České republiky Праверана 19 чэрвеня 2023.

   <a href='https://wikidata.org/wiki/Track:Q13550863'></a>
3. Горбунов Тимофей Сазонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 160. — 737 с.