Чапаці

Чапаці (चपाती) — хлеб з пшанічнай мукі, накшталт тонкага лаваша. Распаўсюджаны ў Афганістане, Індыі, Непале, Таджыкістане, Кыргызстане і іншых краінах.

Чапаці гатуюць спачатку на сухой патэльні, а затым пякуць на адкрытым агні. Пры гэтым аладка раздзімаецца ад пары да такой ступені, што становіцца круглай, як мячык. Ядуць чапаці, адрываючы кавалачкі — іх акунаюць у соусы і выкарыстоўваюць гэтыя лустачкі як лыжачку, захопліваючы імі кавалачкі розных страў. У паўночнай частцы Індыі распаўсюджаны чапаці з напаўняльнікам. Самым распаўсюджаным з’яўляецца бульбяное пюрэ з абсмажанай цыбуляй.