Чарнакорань пурпуровы

Чарнакорань пурпуровы (Podospermum purpureum) — від раслін роду Podospermum сямейства Астравыя (Asteraceae)^[1].

Чарнакорань пурпуровы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Podospermum Від:  Чарнакорань пурпуровы
Міжнародная навуковая назва
Podospermum purpureum
Сінонімы
Scorzonera purpurea
Сістэматыка на Віківідах Выявы на Вікісховішчы NCBI   268099 EOL   6246251 IPNI   243361-1 TPL   gcc-89657

Батанічнае апісанне

Батанічная ілюстрацыя

Кветка

Шматгадовая травяністая расліна з простым або ў верхняй частцы галінастым сцяблом вышынёй 15-45 (80) см і чорным вертыкальным маршчыністым сцеблакоранем (каўдэксам), каранёвая шыйка якога густа пакрыта шчацінкападобнымі валакністымі рэшткамі ліставых чаранкоў. Лісце вузкалінейнае, плоскае або жалобчата-трохграннае, голае або злёгку павуцініста апушанае. Язычковыя кветкі светла-пурпуровыя або фіялетава-ружовыя, з пахам ваніліну, сабраны ў невялікія кошыкі на канцах сцёблаў і галінак. Абгорткі чарапіцавыя, прадаўгавата-цыліндрычныя. Плод — сямянка з чубком. ^[1].

Арэал

Сярэдняя і Усходняя Еўропа, Міжземнамор’е, поўдзень Заходняй Сібіры, поўнач Сярэдняй Азіі. Рэліктавы лесастэпавы від, які знаходзіцца ў Беларусі ў ізаляваных лакалітэтах і астраўных месцах пасялення за паўночнай мяжой арэала. Сустракаецца ў Брагінскім, Буда-Кашалёўскім, Гомельскім і Добрушскім раёнах^[1].

Выкарыстанне

Раней лічылася, што чарнакорань пурпуровы дапамагае пры ўкусе шалёнага сабакі^[2].

Ахова

Гэты від занесены ў Чырвоную кнігу Беларусі і ахоўваецца законам. II катэгорыя (EN)

Уключаны ў Чырвоную кнігу Беларусі 1-га і 2-га выданняў (1981, 1993). Ахоўваецца ў Польшчы^[1].

У Беларусі знаходзіцца пад аховай у Шабрынскім біялагічным заказніку.

Зноскі

1. КОЗЕЛЕЦ ПУРПУРОВЫЙ Архівавана 18 снежня 2016. (руск.)
2. Батанічны слоўнік Аненкава