Чарняўка (басейн Свіслачы)

У гэтага тапоніма ёсць і іншыя значэнні, гл. Чарняўка.

Чарня́ўка, ранейшыя назвы Саламарэча^[1] і Сёмкаўка^[1] — рака ў Мінскім раёне Мінскай вобласці Беларусі. Упадае ў Заслаўскае вадасховішча (басейн Бярэзіны).

Чарняўка
Характарыстыка
Даўжыня	24 км
Басейн	107 км²
Вадацёк
Выток
• Месцазнаходжанне	на ўскраіне вёскі Мацкі
• Каардынаты	54°07′56″ пн. ш. 27°32′01,30″ у. д.HGЯO
Вусце	Заслаўскае вадасховішча
• Месцазнаходжанне	каля аграгарадка Сёмкава
• Каардынаты	54°00′39″ пн. ш. 27°26′46″ у. д.HGЯO
Ухіл ракі	2,6 м/км
Размяшчэнне
Водная сістэма	Дняпро
Краіна	Беларусь
Рэгіён	Мінская вобласць
Раён	Мінскі раён
выток вусце
— выток, — вусце

Гідраграфія

Даўжыня ракі 24 км. Плошча вадазбору 107 км². Сярэдні нахіл воднай паверхні 2,6^[2] м/км. Пачынаецца на паўднёва-ўсходняй ускраіне вёскі Мацкі, упадае ў Заслаўскае вадасховішча каля паўднёва-ўсходняй ускраіны аграгарадка Сёмкава. Рэчышча часткова каналізаванае. Вадазбор у межах Мінскага ўзвышша. Каля аграгарадка Юзуфова на рацэ сажалка, каля вёскі Сялюты — вадасховішча Сялюты.

Гісторыя

У канцы XIX стагоддзя больш вядома пад назвай Саламарэча. Пад мястэчкам Саламарэчча, каля паселішча Калоніцы, разлівалася ў возера 1,5 вярстой у даўжыню і 0,5 вярсты ў шырыню, у канцы возера быў млын і фолюшы. Цяпер на месцы возера забалочаная мясцовасць каля садовага таварыства Рамонак Саламарэчанскі. Ніжэй за возера мела назву Сёмкаўка^[1].