Чарніца (рака)

У паняцця ёсць і іншыя значэнні, гл. Чарніца.

Чарні́ца — рака ў Руднянскім раёне Смаленскай вобласці Расіі і Лёзненскім раёне Віцебскай вобласці Беларусі, правы прыток ракі Лучоса.

Чарніца
руск. Черница
Характарыстыка
Даўжыня	74 км
Басейн	775 км²
Расход вады	5 м³/с
Вадацёк
Выток
• Каардынаты	55°08′16″ пн. ш. 31°00′40″ у. д.HGЯO
Вусце	Лучоса
• Вышыня	154,1[1] м
• Каардынаты	54°50′45,43″ пн. ш. 30°34′07,73″ у. д.HGЯO
Размяшчэнне
Водная сістэма	Лучоса → Дзвіна → Рыжскі заліў
Краіны	Расія  Беларусь
выток вусце

Даўжыня ракі складае 74 км, у тым ліку, у межах Беларусі 60 км. Плошча вадазбору 775 км², сярэдні нахіл воднай паверхні 1 м/км. Вадазбор у межах Віцебскага ўзвышша. Густата рачной сеткі 0,48 км/км². Выток Чарніцы знаходзіцца ў Руднянскім раёне Смаленскай вобласці за 1 км на поўдзень ад вёскі Волкі^[2] (руск.: Волки).

Даліна Чарніцы ў вярхоўі слабавыразная, ніжэй трапецападобная. Шырыня даліны ад 100 да 400 метраў. Пойма ракі пераважна двухбаковая, шырынёй 100—300 м. Рэчышча шырынёй 5—10 метраў, слабазвілістае. Берагі вышынёй 1—1,5 м у верхнім, 2—3 м у сярэднім і да 7—9 метраў у ніжнім цячэнні.

Асноўныя прытокі: Ціхута, Заальшанка, Мошна. На рацэ вадасховішча і Дабрамыслінская ГЭС. Таксама рака выкарыстоўваецца ў якасці прыёмніка меліярацыйных сістэм.

Уздоўж ракі знаходзяцца вёскі Дуброўка, Дразды, Пушкі, Дабрамыслі і інш.

Зноскі

1. Ліст карты N-36-38. Выданне 1985 г. Стан мясцовасці на 1981 г. Архівавана 2 мая 2013.
2. БелЭн 2003.