Чарсцвяцкае

Чарсцвя́цкае возера, Чарсцвяты — возера ў Беларусі, ва Ушацкім раёне Віцебскай вобласці ў басейне ракі Дзіва, за 15 км на ўсход ад гарадскога пасёлка Ушачы, каля вёскі Слабада. Уваходзіць ва Ушацкую групу азёр.

Чарсцвяцкае возера
Морфаметрыя
Вышыня над узроўнем мора	129,3[1] м
Даўжыня	6,9 км
Шырыня	2,5 км
Плошча	9,35 км²
Аб’ём	0,0207 км³
Даўжыня берагавой лініі	19,2 км
Найбольшая глыбіня	4,3 м
Гідралогія
Салёнасць	0,3 ‰
Празрыстасць	0,8 м
Басейн
Плошча вадазбору	152 км²
Упадаюць	Выдрыца
Выцякаюць	Гарбаціца
Размяшчэнне
Краіна	Беларусь
Рэгіён	Віцебская вобласць
Чарсцвяцкае возера
Чарсцвяцкае возера
Медыяфайлы на Вікісховішчы

Плошча паверхні 9,35 км². Найбольшая глыбіня 4,3 м. Даўжыня 6,9 км, найбольшая шырыня 2,5 км. Плошча вадазбору 125 км².
Катлавіна возера тэрмакарставага тыпу. Схілы катлавіны вышынёй 5—10 м, на поўдні і захадзе 10—18 м. Берагі нізкія, паступова пераходзяць у вузкую забалочаную пойму. Дно да глыбіні 0,5—1 м, пясчанае, ніжэй выслана сапрапелем. Глыбіні да 2 м займаюць 49 % плошчы возера. Ёсць 8 астравоў агульнай плошчай 0,8 км² (буйнейшыя з іх — Хутар, Вялежжа, Казлячы).
Возера эўтрофнае, праточнае. Упадае рака Выдрыца і 3 ручаі, выцякае ручай Гарбаціца^[1] ў возера Павульскае. Шырыня паласы надводнай расліннасці да 200 м.

Уздоўж берагоў возера вёскі Слабада, Карачына, Наваселле, Славені.

Зноскі

1. Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 54. — 72 с. — 10 000 экз. — ISBN 978-985-508-136-5.