Чыма да Канельяна

Чыма да Канелья́на (Чыма з Канельяна, італ.: Cima da Conegliano, імя пры нараджэнні — Джаванні Батыста Чыма, італ.: Giovanni Batista Cima; нар. каля 1459 у Канельяна; памёр там жа ў 1517 ці 1518 годзе) — італьянскі мастак венецыянскай школы жывапісу эпохі Рэнесанса.

Чыма да Канельяна
італ.: Cima da Conegliano
Імя пры нараджэнні	італ.: Giovanni Batista Cima
Дата нараджэння	1459[1]
Месца нараджэння	Канельяна[d], правінцыя Трэвіза, Венета, Італія[2][1]
Дата смерці	1517[3][4][…]
Месца смерці	Канельяна[d], правінцыя Трэвіза, Венета, Італія[1]
Грамадзянства	Венецыянская рэспубліка
Род дзейнасці	мастак
Жанр	на рэлігійную тэму
Мастацкі кірунак	Венецыянская школа жывапісу
Медыяфайлы на Вікісховішчы

«Мадонна з дзіцем». Эрмітаж. 1496-99

Празваны па назве роднага горада, мастак Чыма ды Канельяна пісаў пераважна алтарныя абразы і карціны рэлігійнага зместу з абавязковым пейзажам на заднім плане. Працаваў у ваколіцах Венецыі і верагодна ў атэлье Джавані Беліні, чый ўплыў прасочваецца ў яго творчасці. Меў мянушку «бедны чалавек Беліні». Таксама выпрабаваў ўплыў Антанела да Месіна, Джарджоне і ранняга Тыцыяна.

Творчасць

Карціны да Канельяна адрознівае лірычнасць, высакародная прастата вобразаў, залацісты каларыт, сіла і гарманічнасць фарбаў, характарнасць і выразнасць прадстаўленых нерухома ў паслухмянай пакоры асоб, класічная прыгажосць персанажаў, іх засяроджаная малітва, бачная сувязь чалавека з навакольнай прыродай, дбайнасць дэталяў, шырокая і прыгожая кладка драпіровак і празрыстасць святла. Многія з карцін Чымы да Канельяна адрозніваюцца ад пісаных падобнымі з ім майстрамі тым, што на заднім плане яго карцін намаляваны пейзаж з матывам, узятым з гарыстых мясцовасцяў радзімы мастака — Фрыўлі  (руск.). Пейзаж уяўляе невысокія пагоркі з замкамі і гарадскімі сценамі, палі і адзінокія дрэвы, а на першым плане — скала з багатай расліннасцю або выдатны порцік.

Зноскі

1. https://www.nationalgalleries.org/art-and-artists/artists/giovanni-battista-cima-da-conegliano
2. Union List of Artist Names

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
3. Art UK — 2003. Праверана 12 жніўня 2015.

   <a href='https://wikidata.org/wiki/Track:Q7257339'></a>
4. Swartz A. Cima da Conegliano — 2007.

   <a href='https://wikidata.org/wiki/Track:Q461'></a><a href='https://wikidata.org/wiki/Track:Q1201876'></a><a href='https://wikidata.org/wiki/Track:Q302817'></a>