Чырвоныя могілкі (Полацк)

Чырвоныя могілкі — могілкі ў Полацку, размешчаны па вуліцы Гагарына ў мясцовасці Ноўка. На захад ад праваслаўных Чырвоных могілак былі закладзены Лютэранскія. З цягам часу лютэранская і праваслаўная частка злучыліся^[1].

Чырвоныя могілкі
55°29′01″ пн. ш. 28°48′14″ у. д.HGЯO
Размяшчэнне
Краіна	Беларусь
Вобласць	Віцебская вобласць
Раён	Полацкі раён
Месцазнаходжанне	Полацк
Гістарычны раён	Ноўка
Медыяфайлы на Вікісховішчы

Паводле новага гарадскога планавання, зацверджанага ў канцы XVIII ст., пасля далучэння Полацка да Расійскай імперыі, новыя могілкі былі закладзеныя па-за гарадской мяжой. Для іх была выкарыстаная зямля, што належала Богаяўленскаму манастыру. Могілкі атрымалі назву «Чырвоных». Яны былі абкапаныя ровам і абнесеныя валам, што з’яўлялася абавязковым паводле закона аб могілках, каб скаціна не магла сюды забрацца. Былі высаджаныя розныя дрэвы. Чырвоныя могілкі лічыліся праваслаўнымі^[1].

Пасля разбурэння ў 1930-х гадах Міхайлаўскіх могілак Чырвоныя становяцца галоўнымі гарадскімі могілкамі^[1].

Магіла святара Фаўста Пігулеўскага і яго жонкі Марыі

Старэйшае з захаваных пахаванняў тут належыць купцу Сцяпану Радыёнаву Палякову, які памёр 05.07.1848 г. Надмагілле мае выгляд каменнага саркафага, з выбітымі на ім арнаментамі і надпісамі^[1].

Цікавымі з’яўляюцца надмагільныя крыжы-помнікі Вользе Якубаўне Зільбердорф, народжанай Рагачэўскай (1852—1888), барону Андрэю Андрэевічу Вітэ († 13.11.1865), святару Фаўсту Лявоньцевічу Пігулеўскаму († 21.12.1894) і жонцы ягонай Марыі Данілаўне († 09.03.1895). У пахаваннях не надта праглядаецца чысціня праваслаўя і яшчэ больш разбурае яе надмагілле пэўна сужонкаў Мікалая Ярдана і Адэлаіды з Рульковіусаў з надпісам «Nicolai Jordan geb. 22 April 1830 gest. 1 November 1908 und Adelaide geb. Rulcovius geb. 25 Mai 1840 gest. 9 December 1881»^[1].

Брацкая магіла на могілках «Красныя» па вул. Гагарына ў г. Полацку Віцебскай вобласці —  Гісторыка-культурная каштоўнасць Беларусі, шыфр 213Д000603шыфр 213Д000603.

Вядомыя асобы, пахаваныя на могілках

• Андрэй Яфрэмавіч Пісарэнка (1908—1966) — Герой Савецкага Саюза (1943).
• Зінаіда Міхайлаўна Тусналобава-Марчанка (1920—1980) — савецкі ваенны ўрач, удзельніца Вялікай Айчыннай вайны, Герой Савецкага Саюза (1957).

Зноскі

1. Міхась Баўтовіч. Полацкія могілкі на сайце Radzima.org