Шапачка смаржковая

Ша́пачка смаржковая^[1] (Verpa bohemica) — від сумчатых грыбоў з роду Шапачка (Verpa) сямейства Смаржковыя (Morchellaceae).

Шапачка смаржковая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Пецыцаміцэты (Pezizomycetes) Парадак:  Пецыцальныя Сямейства:  Смаржковыя Род:  Шапачка від:  Шапачка смаржковая
Міжнародная навуковая назва
Verpa bohemica (Krombh.) Schröt., 1893
Сінонімы
Morchella bohemica Krombh. Mitrophora bohemica (Krombh.) Gillet Morilla speciosa var. bohemica (Krombh.) Quél. Phalloboletus bohemicus (Krombh.) Kuntze Ptychoverpa bohemica (Krombh.) Boud.
Сістэматыка на Віківідах Выявы на Вікісховішчы NCBI   44609 MB   481988

Апісанне

Пладовае цела грыба дасягае вышыні 10 і болей сантыметраў. Шапка дыяметрам 2—3 см, званочкападобнай формы, звіліста-складчатая або маршчакаватая, у верхавінцы прырослая да ножкі. Колер шапкі звонку жаўтавата-буры або вохрымта-карычніевы, знізу — белаваты. Краі шапкі свабодныя. Ножка да 14 см у даўжыню і да 2 см у дыяметры, цыліндрычная, злёгку патоўшчаная каля асновы, пустая, белая, пакрытая дробнымі лускавінкамі. Мякаць тонкая, без асаблівага паху і смаку. Сумкі з двума спорамі. Споры падоўжана-эліптычнай формы, гладкія, жаўтаватыя або бясколерныя.

Распаўсюджанне і экалогія

Грыб распаўсюджаны ва ўмеранай зоне Паўночнага паўшар’я. Сапратроф. Расце паасобку і групамі ў на глебе ў светлых [лісцевых лясах, на ўзлесках і палянах. Пладовыя целы з’яўляюцца ў красавіку—маі.

Выкарыстанне

Малавядомы ўмоўна-ядомы грыб нізкая якасці. Спажыванне свежага грыба магчыма толькі пасля папярэдняга адварвання са зліццём вады.

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.