Шарль Фердынанд Рамю

Шарль Фердынанд Рамю, Шарль Фердынан Рамюз (фр.: Charles Ferdinand Ramuz, 24 верасня 1878, Лазана — 23 мая 1947, там жа) — швейцарскі пісьменнік, пісаў на французскай мове.

Шарль Фердынанд Рамю
фр.: Charles Ferdinand Ramuz
Асабістыя звесткі
Дата нараджэння	24 верасня 1878(1878-09-24)[1][2][…]
Месца нараджэння	Лазана, Швейцарыя
Дата смерці	23 мая 1947(1947-05-23)[3][1][…] (68 гадоў)
Месца смерці	Лазана, Швейцарыя
Пахаванне	Pully cemetery[d][4]
Грамадзянства	Швейцарыя
Жонка	Cécile Cellier[d]
Альма-матар	Лазанскі ўніверсітэт
Прафесійная дзейнасць
Род дзейнасці	пісьменнік, паэт, лібрэтыст, празаік, эсэіст
Мова твораў	французская
Грамадская дзейнасць
Член у	Цафінгія[d]
Прэміі	Прэмія Шылера[d] (1936) Rambert Award[d] (1912) Gottfried-Keller-Preis[d] (1927)
fondation-ramuz.ch (фр.)
Медыяфайлы на Вікісховішчы

Біяграфія

З сям'і гандляроў. Скончыў філасофскі факультэт Лазанскага ўніверсітэта (1901). Даваў прыватныя ўрокі ў Веймары. Дэбютаваў кнігай вершаў Вёсачка (1903), у 1905 апублікаваў першы раман Аліна. У 1903-1914 жыў у Парыжы, пазнаёміўся з Андрэ Жыдам. Вярнуўшыся ў Швейцарыю, выдаваў часопіс «Вадуазскія сшыткі». У 1915 пасябраваў з Ігарам Стравінскім, напісаў лібрэта для яго оперы Гісторыя салдата (1918). Найбольш вядомы сваімі раманамі, якія высока шанавалі А.Жыд, Както, Кладэль, Стэфан Цвейг, Хуан Рульфа і шматлікія з якіх былі экранізаваны.

Магіла Рамуза і яго дачкі Марыяны Аліўеры-Рамуз (1913–2012) на могілках Пулі.

Выбраныя кінаэкранізацыі

• 1934 — Выкраданне (Дзімітрый Кірсанаў, Рамю сыграў у ім эпізадычную ролю)
• 1966 — Замучаны (Клод Гарэта)
• 1967 — Аліна (Франсуа Веерганс)
• 1987 — Калі сонца не ўзыдзе (Клод Гарэта)
• 1999 — Вайна ў гарах (Франсіс Рэсер)

Па творах Рамю зняты таксама шэраг тэлевізійных фільмаў. Найбольш часта экранізавалася Гісторыя салдата (у прыватнасці, вядомая стужка, знятая па балетнай пастаноўцы Іржы Кіліяна).

Спадчына

Шматлікае з напісанага Рамю апублікавана толькі пасля яго смерці. У наш час у Швейцарыі дзейнічае Фонд Рамю, уручаецца прэмія яго імя. У 2005 усё 24 рамана пісьменніка ўвайшлі ў двухтомнік, апублікаваны ў прэстыжнай серыі французскага выдавецтва Галімар Бібліятэка Плеяды.

Прызнанне

Прэмія Рамбера (1912, 1923). Шматлікія месцы ў Швейцарыі носяць імя пісьменніка. Выяўлены на купюры 200 швейцарскіх франкаў.

Зноскі

1. Charles-Ferdinand Ramuz // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Itaú Cultural C. F. Ramuz // Enciclopédia Itaú Cultural — São Paulo: Itaú Cultural, 2001. — ISBN 978-85-7979-060-7 Праверана 9 кастрычніка 2017.

   <a href='https://wikidata.org/wiki/Track:Q174'></a><a href='https://wikidata.org/wiki/Track:Q10304263'></a><a href='https://wikidata.org/wiki/Track:Q41599984'></a>
3. Рамю Шарль Фердинанд // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. https://notrehistoire.ch/entries/P1bBk0Vg83E Праверана 4 лютага 2023.