Шастакова (возера)

Шастако́ва — возера ў Мядзельскім раёне Мінскай вобласці, у басейне ракі Нарач. Знаходзіцца за 4,5 км на паўднёвы захад ад горада Мядзел, за 2 км на захад ад вёскі Шыкавічы, паміж азёрамі Мястра і Баторына. Адносіцца да Нарачанскай групы азёр.

Шастакова
Морфаметрыя
Даўжыня	0,2 км
Шырыня	0,16 км
Плошча	0,02 км²
Даўжыня берагавой лініі	0,57 км
Гідралогія
Тып мінералізацыі	маламінералізаваны
Размяшчэнне
Краіна	Беларусь
Рэгіён	Мінская вобласць
Шастакова
Шастакова

У паняцця ёсць і іншыя значэнні, гл. Шастакова.

Плошча паверхні возера — 0,02 км². Даўжыня — 0,20 км, найбольшая шырыня — 0,16 км, даўжыня берагавой лініі — 0,57 км^[1]. Катлавіна возера рэшткавага тыпу. Вадазбор забалочаны, пад лесам і хмызняком. Берагі невысокія, травяністыя. На захадзе выцякае ручай у возера Мястра. Вада возера — гідракарбанатна-кальцыевая, маламінералізаваная. Трафічны статус вадаёма — мезатрофны, з прыкметамі дыстрафіі.

Зноскі

1. Возера Шастакова / Водныя рэсурсы Нацыянальнага парку «Нарачанскі» (руск.)