Шведска-беларуская практычная транскрыпцыя

Шведска-беларуская практычная транскрыпцыя — уніфікаваныя правілы перадачы шведскіх уласных імён і неперакладальных рэалій на пісьме беларускай мовай.

Ніжэй змешчаныя парады складзены ў маі 2013 года на аснове «Кароткай граматыкі шведскай мовы» (адтуль пра шведскую фанетыку, pdf, 0,9 MB), аўтарства Вольгі Цвірка, пад агульнай рэдакцыяй Лявона Баршчэўскага, якая выйшла ў 2009 годзе. Да 2021 года гэта выданне было адзіным беларускім падручнікам шведскай мовы, але ўласна правіл шведска-беларускай практычнай транскрыпцыі не змяшчала, толькі агульныя звесткі пра адпаведнасць шведскай і беларускай фанетыкі.

У 2021 годзе парады па шведска-беларускай практычнай транскрыпцыі апублікаваны ў пасмяротным выданні Змітра Саўкі^[1], яны НЕ цалкам супадаюць з табліцай складзенай на аснове падручніка Вольгі Цвірка.

Націск

Звычайна, націск імкнецца да першага складу. Аднак, ёсць выключэнні, якія абазначаюць акутам над галоснай (апроч літары i). Суфікс -in заўсёды націскны (Aulin Аўлі́н).

Табліца складзеная на аснове падручніка 2009 года

	a = а	e = е	i = і	o = у/о	u = у	y = ю	å = о	ä = э	ö = ё
b = б	ba = ба	be = бе	bi = бі	bo = бу/бо	bu = бу	by = бю	bå = бо	bä = бэ	bö = бё
c = с/к	ca = ка	ce = се	ci = сі	co = ку/ко	cu = ку	cy = сю	cå = со	cä = кэ	cö = сё
ch = ш	cha = ша	che = шэ	chi = шы	cho = шу/шо	chu = шу	chy = шу	chå = шо	chä = шэ	chö = шо
ck = к	cka = ка	cke = ке	cki = кі	cko = ку/ко	cku = ку	cky = кю	ckå = ко	ckä = кэ	ckö = кё
d = д	da = да	de = дэ	di = ды	do = ду/до	du = ду	dy = ду	då = до	dä = дэ	dö = до
dj = й[2]	dja = я	dje = е	dji = і	djo = ю/ё	dju = ю	djy = ю	djå = ё	djä = е	djö = ё
f = ф	fa = фа	fe = фе	fi = фі	fo = фу/фо	fu = фу	fy = фю	få = фо	fä = фэ	fö = фё
g = г/й[2]	ga = га	ge = ге/е	gi = гі/і	go = гу/го	gu = гу	gy = гю/ю	gå = го	gä = гэ/е	gö = гё/ё
gn = ньн	gna = ньна	gne = ньне	gni = ньні	gno = ньну/ньно	gnu = ньну	gny = ньню	gnå = ньно	gnä = ньнэ	gnö = ньнё
gs = кс	gsa = кса	gse = ксе	gsi = ксі	gso = ксу/ксо	gsu = ксу	gsy = ксю	gså = ксо	gsä = ксэ	gsö = ксё
gt = кт	gta = кта	gte = ктэ	gti =кты	gto = кту/кто	gtu = кту	gty = кцю	gtå = кто	gtä = ктэ	gtö = кцё
h = х	ha = ха	he = хе	hi = хі	ho = ху/хо	hu = ху	hy = хю	hå = хо	hä = хэ	hö = хё
hj = й[2]	hja = я	hje = е	hji = і	hjo = ю/ё	hju = ю	hjy = ю	hjå = ё	hjä = е	hjö = ё
j = й	ja = я	je = е	ji = і	jo = ю/ё	ju = ю	jy = ю	jå = ё	jä = е	jö = ё
k = к/ш[2]	ka = ка	ke = ке/шэ	ki = кі/шы	ko = ку/ко	ku = ку	ky = кю/шу	kå = ко	kä = кэ/шэ	kö = кё/шо
kj = ш[2]	kja = ша	kj = шэ	kji = шы	kjo = шу/шо	kju = шу	kjy = шу	kjå = шо	kjä = шэ	kjö = шо
l = л[ь]	la = ля	le = ле	li = лі	lo = лю/лё	lu = лю	ly = лю	lå = лё	lä = ле	lö = лё
lj = й[2]	lja = я	lje = е	lji = і	ljo = ю/ё	lju = ю	ljy = ю	ljå = ё	ljä = е	ljö = ё
-lg = -льй
m = м	ma = ма	me = ме	mi = мі	mo = му/мо	mu = му	my = мю	må = мо	mä = мэ	mö = мё
n = н	na = на	ne = не	ni = ні	no = ну/но	nu = ну	ny = ню	nå = но	nä = нэ	nö = нё
ng = н[ь]	nga = ня	nge = не	ngi = ні	ngo = ню/нё	ngu = ню	ngy = ню	ngå = нё	ngä = не	ngö = нё
nk = ньк	nka = нька	nke = ньке	nki = нькі	nko = ньку/нько	nku = ньку	nky = нькю	nkå = нько	nkä = нькэ	nkö = нькё
p = п	pa = па	pe = пе	pi = пі	po = пу/по	pu = пу	py = пю	på = по	pä = пэ	pö = пё
r = р	ra = ра	re = рэ	ri = ры	ro = ру/ро	ru = ру	ry = ру	rå = ро	rä = рэ	rö = ро
-rg = -рй
rs = ш	rsa = ша	rse = шэ	rsi = шы	rso = шу/шо	rsu = шу	rsy = шу	rså = шо	rsä = шэ	rsö = шо
s = с	sa = са	se = се	si = сі	so = су/со	su = су	sy = сю	så = со	sä = сэ	sö = сё
sch = ш	scha = ша	sche = шэ	schi = шы	scho = шу/шо	schu = шу	schy = шу	schå = шо	schä = шэ	schö = шо
sk = ш/ск	ska = ска	ske = шэ	ski = шы	sko = ску/ско	sku = ску	sky = шу	skå = ско	skä = шэ	skö = шо
s(s)j = ш	s(s)ja = ша	s(s)je = шэ	s(s)ji = шы	s(s)jo = шу/шо	s(s)ju = шу	s(s)jy = шу	s(s)jå = шо	s(s)jä = шэ	s(s)jö = шо
s(s)ion = шун	s(s)iona = шуна	s(s)ione = шуне	s(s)ioni = шуні	s(s)iono = шуну/шуно	s(s)ionu = шуну	s(s)iony = шуню	s(s)ionå = шуно	s(s)ionä = шунэ	s(s)ionö = шунё
stj = ш	stja = ша	stje = шэ	stji = шы	stjo = шу/шо	stju = шу	stjy =шу	stjå = шо	stjä = шэ	stjö = шо
t = т	ta = та	te = тэ	ti = ты	to = ту/то	tu = ту	ty = ту	tå = то	tä = тэ	tö = то
tj = т’й/ш[2]	tja = т’я/ша	tje = т’е/шэ	tji = т’і/шы	tjo = т’ю/т’ё/шу/шо	tju = т’ю/шу	tjy = т’ю/шу	tjå = т’ё/шо	tjä = т’е/шэ	tjö = т’ё/шо
tion = шун	tiona = шуна	tione = шуне	tioni = шуні	tiono = шуну/шуно	tionu = шуну	tiony = шуню	tionå = шуно	tionä = шунэ	tionö = шунё
v = в	va = ва	ve = ве	vi = ві	vo = ву/во	vu = ву	vy = вю	vå = во	vä = вэ	vö = вё
x = кс	xa = кса	xe = ксе	xi = ксі	xo = ксу/ксо	xu = ксу	xy = ксю	xå = ксо	xä = ксэ	xö = ксё

Заўвагі

Традыцыйныя напісанні застаюцца нязменнымі, нягледзячы на рэальнае маўленне. Традыцыйнымі лічацца напісанні зафіксаваныя ў Беларускай энцыклапедыі ў 18 тамах або ў Беларускай савецкай энцыклапедыі. Напрыклад, шведск.: Göteborg (Göteborg^ⓘ, /jœte'bɔrj/) трэба было б пісаць Ё́тэбарй, блізка да шведскага маўлення. Аднак, па-першае, у беларускім маўленні і адпаведна на пісьме канцавое -рй не можа ўжывацца; па-другое, у традыцыйным напісанні Гё́тэбарг.

Зноскі

1. Іншамоўныя найменні ў беларускім тэксце : даведнік / Зьміцер Саўка ; укладальнік-рэдактар Настасся Мацяш.. — Мінск: "Тэхналогія", 2021. — 190 с. — ISBN 978-985-458-308-2.
2. Перад націскной галоснай.