Швейцарская нацыянальная бібліятэка

Швейцарская нацыянальная бібліятэка (ням.: Schweizerische Nationalbibliothek, фр.: Bibliothèque Nationale Suisse, італ.: Biblioteca Nazionale Svizzera, рэтарам.: Biblioteca naziunala svizra) — бібліятэка размешчаная ў Берне, Швейцарыя і ўваходзіць у склад федэральнага ўпраўлення па справах культуры, якое ў сваю чаргу падпарадкоўваецца Федэральнаму дэпартаменту ўнутраных спраў. ^[10]

Швейцарская нацыянальная бібліятэка
ням.: Schweizerische Nationalbibliothek[1] фр.: Bibliothèque nationale suisse[2][3] італ.: Biblioteca nazionale svizzera[4][5] рэтарам.: Biblioteca naziunala svizra[6] англ.: Swiss National Library
Галоўны будынак Швейцарскай нацыянальнай бібліятэкі
Краіна	Швейцарыя[7]
Адрас	Швейцарыя, Берн
Заснавана	1895[8]
Філіялы	e-newspaperarchives.ch[d]
Код ISIL	CH-000001-5 і CH-002157-5
Іншая інфармацыя
Дырэктар	Мары-Крысцін Дафі [9]
Вэб-сайт	nb.admin.ch
Медыяфайлы на Вікісховішчы

Гісторыя

Датай заснавання бібліятэкі лічыцца 1894 год, у якім быў распрацаваны федэральнай указ пра стварэнне Швейцарскай нацыянальнай бібліятэкі, зацверджаны Сенатам і Нацыянальным саветам. А ў 1895 годзе бібліятэка ўжо пачынае сваю дзейнасць. ^[11] Першае памяшканне бібліятэкі было памерам з чатырохпакаёвую кватэру і не мела электрычнага асвятлення. У 1899 годзе бібліятэка пераязджае ў новае больш прасторнае памяшканне ў будынку федэральнага архіва, што дазваляе ёй адкрыць свой архіў для грамадскасці. ^[11] У 1901 годзе з'явіўся першы бібліяграфічны бюлетэнь Швейцарскай нацыянальнай бібліятэкі. У сучасным выглядзе бібліятэка з'явілася ў 1931 годзе, калі пераехала ў новы будынак у якім і знаходзіцца і цяпер. Будаўніцтва будынка пачалося ў 1928 годзе па праекце архітэктараў Хошэтлера, Каўфмана і Эшгера. ^[12]

Кіраўніцтва

Дырэктарам бібліятэкі з 1 красавіка 2005 года па цяперашні час з'яўляецца Мары-Крысцін Дафі. Мары-Крысцін мае навуковую ступень ў вобласці гуманітарных навук. Яна працуе ў швейцарскай нацыянальнай бібліятэцы з 1991 года і за час працы знаходзілася на некалькіх кіруючых пасадах, у тым ліку і ў якасці намесніка дырэктара з 2003 года па сакавік 2005 года. ^[9]

Гл. таксама

• Нацыянальная бібліятэка
• Найбуйнейшыя бібліятэкі свету
• Швейцарскі літаратурны архіў

Зноскі

1. https://www.museen-bern.ch/fr/institutions/ Праверана 21 лютага 2020.
2. https://www.nb.admin.ch/snl/fr/home.html
3. https://www.fedlex.admin.ch/eli/cc/1993/1773_1773_1773/fr
4. https://www.nb.admin.ch/snl/it/home.html
5. https://www.fedlex.admin.ch/eli/cc/1993/1773_1773_1773/it
6. https://www.parlament.ch/de/ratsbetrieb/suche-curia-vista/geschaeft?AffairId=20071115
7. Swiss GLAM Inventory, 16 September 2016 — 2016.

   <a href='https://wikidata.org/wiki/Track:Q27477970'></a><a href='https://wikidata.org/wiki/Track:Q26933296'></a>
8. https://www.nb.admin.ch/snl/de/home/ueber-uns/geschichte.html
9. Die Direktorin. Артыкул з афіцыйнага сайта Швейцарскай нацыянальнай бібліятэкі. Дырэктар.
10. Organisation. Архівавана 31 жніўня 2012. Артыкул з афіцыйнага сайта Швейцарскай нацыянальнай бібліятэкі. Арганізацыя.
11. Geschichte der Bibliothek. Архівавана 31 жніўня 2012. Артыкул з афіцыйнага сайта Швейцарскай нацыянальнай бібліятэкі. Гісторыя.
12. Швейцарская Нацыянальная бібліятэка. Архівавана 6 кастрычніка 2014. Артыкул з сайта architekture.info